人和荳品廠 (已搬遷) 新店位置

諗住食下d豆製品做早餐，加上門口經過好多次，於是去試下呢間老字號。入面既坐位裝修地磚都充滿懷舊味道，一行二人坐左係卡位，幾有風味。一坐低岩岩睇餐牌，呀姐就好心急企係隔離問我地食乜啦，進食既期間，見到都幾多人買豆漿、外賣咁。魚肉煎豆腐呢個真係失望，魚肉超級薄少，食落口完全無魚肉味，只有普通豆腐味。豉油王炒麵份量比想像中少同有點淡味。花奶豆腐花花奶味足夠，豆腐花滑，唔錯。杏仁豆漿有杏仁味，唔會太甜。份量偏少，以呢個份量黎講，價錢少偏貴。以荳品店黎講，荳製食物唔係特別做得出色。