一鍋堂 (新都會廣場)

营业中

休息中

一路同朋友都想試呢間，但又怕要等位等好耐，所以一路諗住book位，點知不論上午定下午打電話都冇人聽，響咗一段時間就話線路繁忙，就聽到錄音話download app book位。如是者，過咗成星期都打唔到電話book，就死死氣咁download 佢個app book。到咗當日，我哋book咗2pm，但完全冇人等位，佢連我booking no.都冇睇就比我哋直入😅。為咗唔好咁趕，叫咗100分鐘嘅B餐，點知我同朋友都不約而同覺得啲肉好一般，有啲連A餐肉都不如，其他嘢食都好一般。湯底揀咗藥膳湯都冇咩味，連相都冇影🙈唯一可取之處，就係佢蔬菜🥬款式多，任君選擇，而且揀B/C餐，可以點「紅心蘿蔔」！本來最期待自己唧軟雪糕🍦，仲要呢期做緊哈密瓜🍈味，但味道又一好一般🙈。總括嚟講，除返開食100分鐘lunch，大概$220一位，如果要排隊就真係唔抵，同類型火鍋店，肉類比較好食，雪糕比較多款同好味😋。