Lobster Une (已搬遷) 新店位置

難得帶外國朋友去西貢，當然晚餐要食得好d！走下走下，朋友見到呢間門面就挺低腳步話想試呢間，原來係俾佢嘅fusion風吸引！雖然有復古歐洲風家庭火爐，但係亦都有新潮嘅霓虹登decoration。既然朋友出到聲話要試，就一齊入嚟體驗吓囉！結果都有驚喜！我地叫左好多野，食到好飽，但我覺得最值得推介就係西式香草蒜香龍蝦，經典法式油封鴨髀同西班牙豬鞍。個龍蝦一上枱，我哋大家都已經嘩嘩聲，大家都攞手機出嚟影咗好多相打卡。龍蝦好新鮮，爽口，配埋香草同蒜，味道一流！個鴨髀都好好食，嫩口唔鞋，應該都係同佢烹調手法有關，再配埋芒果同埋passionfruit sauce，味道幾清新。豬鞍比我想像中好食，燒得好入味，加埋peach一齊食會食到唔停口。