影片
电话号码
27912998
开饭介绍
英美主题西餐厅，楼上包厢为英式精致餐饮、楼下则以美式休闲餐饮为主。提供多款西餐、特色咖啡以及酒品。
继续阅读
营业时间
今日营业
10:00 - 22:00
星期一至日
10:00 - 22:00
以上资料只供参考，请与餐厅确认详情
-
网上订座服务暂停
上次夜晚过嚟试咗晚餐，今日晏昼约埋猫友过嚟食tea。我哋两个人都唔系话好肚饿，同埋要留肚食晚饭。所以净系嗌咗一个set share。今日好热，再嗌咗两杯沙冰。叫咗个香煎鳕鱼配薯菜set,一杯芒果沙冰，一杯热情果沙冰。老板娘认得我，仲话请我饮啤酒。不过今日揸咗车只可以饮沙冰。个set有沙律，餐汤，main，甜品同餐饮。完全够我哋两个人食下午茶。个鳕鱼煎得好香，外皮好脆，内里鳕鱼肉好嫩滑多汁，唔会话太油。薯菜伴碟都份量好够。食咗几啖先醒起要影相留念😂本身想影埋两杯沙冰有几澎湃，几大杯，但因为要快快脆饮，惊佢溶，所以冇影到一开头。总括而言，环境好，又系宠物友善，毛孩主人必选餐厅。
继续阅读
今日妈咪生日，决定出街食，带佢食西餐。朋友介绍西贡有间专食龙虾西餐厅，就试试佢。撞啱五一黄金周，成个西贡都好热闹，好在预早打去book咗位，如果唔系就要等。我哋四个人，决定唔嗌佢个晚餐，散叫嘢食。（如果平时，嗌晚餐好抵）我哋叫咗个龙虾pizza，原只龙虾意粉，半只烧鸡。我本身钟意食薄批pizza ，佢呢个龙虾Pizza正正就系我钟意嘅批底，唔会太滞。每块pizza啖啖龙虾肉。个龙虾意粉好抵食，佢跟埋个沙律同龙虾春卷。老板娘介绍，呢个系原只澳洲龙虾，龙虾好大只，好多肉，个龙虾春卷入边啲馅系真龙虾，唔系话出边嗌货𠮶种。个烧鸡都好Juicy ，唔会话入边好干身，同埋鸡肉好嫩，火候啱啱好。临尾仲送咗个生日甜品，好有心写埋Happy birthday。成个用餐过程都好好，会定时问你有冇需要，唔会觉得被人遗忘，好少餐厅做到爆场都会顾及每一台顾客嘅需要。要俾10个like。
继续阅读
好耐冇入西贡，今日同老公得闲入嚟拍吓拖。行咗好耐，拣咗好多间餐厅，最终决定食呢间。舖头装修好靓，好适合今日同老公拍拖主题。我哋散叫左个 香煎带子意粉，炸薯条，同埋冧酒煮蛏子。个意粉好有味得来唔会太油，带子大大粒。有啖啖白酒同牛油香。个冧酒煮蛏子，值得一赞，个汁点面包点薯条一流，老板见我食得好滋味，私人请我食多几嚿蒜蓉包。个薯条外观睇落普通，但佢炸得好香，唔会话有阵油膱味，食得出佢唔系用万年油炸。两公婆，再嗌支白酒，撑吓枱脚，咁又一晚。
继续阅读
今日特登入西贡Lobster Une试佢个德国猪手，果然冇失望！猪手焗得啱啱好，皮脆到似薯片咁"索索"声，切开仲见到啲肉汁流出来，点佢哋自家调嘅酱，酸香得嚟又解腻。另外再加多咗个松露pizza。虽然间舖头细细但装修优美，佢个猪手份量十足，两个人食到捧住个肚走。老板仲好好人，送多杯生啤叫我哋慢慢叹。呢个价钱，喺西贡海鲜街算系良心价啦，下次带班friend再战过！老板娘好好人，一直介绍我哋食咩好，又惊我哋唔够饱，请我哋食是日甜品。（蛋糕太好食，唔记得影相）
继续阅读
出色的餐厅，特别推介龙虾意粉，龙虾新鲜好味，配上带有浓郁龙虾汤味的汁，有惊喜👍。生蚝亦值得推介，鲜甜爽脆，蚝味浓郁，微微带点海水味，不会偏咸，令人回味。另外，炸鱼薯条的薯条，真心👍，趁热食最好，外脆内软。餐酒方面，买一送一，为起$98两杯，唔会细细杯，大大方方，抵赞。此外餐厅亦有提供一种Zero啤酒，不含酒精，但有啤酒的麦味，唔算甜，几好饮。环境方面，都好舒适，几好坐。价钱方面，唔算贵，抵食。总括而言，食物质素好，服务亦好，物超所值。
继续阅读