浜滝 (已結業)

今日去左天后接個朋友一齊食飯，佢介紹左呢間都幾吾錯，叫hamataki。地方吾算好大，但環境舒適，我點左五色刺身，冷鮑魚， 鐵板燒近江牛舌，仲有特厚醬油拉麵，全部都非常美味。先講刺身，包括有帶子， 生蠔，三文魚，海膽 ，甜蝦，都係四百蚊吾洗，估吾到海膽都好有水準，全部都好新鮮好食丫。冷鮑魚凍食都係第一次食， 好爽口彈牙，而且覺得鮑魚洗得好乾淨，哈哈，好食。另外我想推介鐵板燒近江牛舌，真係又平又好食，記得先88蚊，但牛舌係半燒嘅，好有牛味仲保留左肉汁，我都估吾到係咁，仲以為係平時燒到熟晒好有咬口嘅牛舌咋，呢個係好味丫，要食。最後食埋拉面醫肚，個湯好濃味，咸度適中，面質彈牙，整碗拉面都充滿肉香味，吾錯嘅。整體覺得都幾好又有驚喜，應該都會再食。