御家居酒屋 (已結業)

我係尖沙咀番工，知道新開左間居酒屋，本來想去試食下個午餐，但今日上去人比較多，所以就冇去到。夜晚就同幾位同事去試下，空間算寬敞，人比較少，幾適合一班人吹下水。坐低左睇下個Menu，個Waitress就即刻放低碟南瓜天婦羅，話新開張送既，仲有9折優惠，正!叫左幾個前菜，串燒同刺身。串燒同刺身算不錯，最有驚喜既竟然係前菜，番茄沙律同明太子芋絲真係好點，係其它地方好少見到，味到好好，值得推介一下。之後再叫左個拉面同飯，又係好點，我問師父午餐係咪一樣有order，佢話基本上係一樣既，所以過幾日一定要試下佢地午餐。總括食物不錯，但酒就比較少選擇，同埋出菜比較慢左d，但都值得推介，可以再幫襯。