一條米線燦記

身為馬灣島民已經幫襯咗一條米線幾年，佢地服務一向麻麻，但米線既味道就好岩我。近排係舖頭見到新面孔，佢地既服務令我另眼相看。一直以來我點親酸辣米線都走九菜，今日竟然問我要唔要走蔥，幫襯咗咁多年都未試過俾人問，突然覺得佢地好細心，希望佢地既服務繼續keep住落去
味道方面咁多年都keep到個水準, 魚腐係必點配料，不過今次因應營養師要求所以改叫墨魚丸同雞肉。墨魚丸口感唔厚實，不過墨魚味重。雞肉好嫩滑，應該係雞脾肉，食唔出被”la”過既口感。

價錢方面，今次碗酸辣米線(雞肉+墨魚丸)+一碟菜心，總共68蚊。雖然有少少貴，但係呢碗係有質素既米線，所以我覺得ok