SOFFEE (T.O.P This is Our Place) (已結業)

喺旺角行完街，難得搵到間cafe有位可以坐低食飯同飲杯野，一於試吓。一入去見到啲蛋糕好靚，當然要試吓！叫咗以下幾個小食，價錢都好合理，以為會係好普通，點知幾有驚喜！我最鍾意佢個芥末雞翼，外脆內軟，非常Juicy蟹肉意大利麵👍🏻奶蓋烏龍茶&牛油果奶昔雞肉蘑菇燴飯😋呢個好味，大人小朋友都會鍾意食😋最後揀咗兩個小蛋糕，咁啱朋友前兩日生日，店員話可以即場寫生日牌，咁當然順便加埋個生日牌！我估唔到小店都有呢啲服務，值得一讚👍🏻綠色係牛油果蛋糕，唔太甜，好香濃嘅牛油果味👍🏻另外係朱古力蛋糕，因為覺得小鹿好可愛，所以試吓，點知好好味，我以為朱古力會好甜，但呢個蛋糕重朱古力味得來又唔會太甜，有驚喜👍🏻同店員傾開計，先知佢哋係新開，老闆原來第一次開小店，蛋糕由老闆親自監督製作，十分誠意！有驚喜，下次一定會再嚟👍🏻支持本土小店！