米線樂•麻辣豬骨濃湯 (已結業)

不嬲都好中意食米線，今日朋友推介我黎長沙灣食呢間，話好好味會食上癮，於是膽粗粗去會一會佢。比放工時間提早到，所以好彩入到去已經有位坐。我地點左麻辣豬骨濃湯米線配芫荽牛丸、麻辣鴨血同招牌涼拌涼皮。淨係睇米線湯底既顏色已經知ok, 食落果然夠濃，但又唔會太咸太口渴，而且唔會死辣，好食過x仔既麻辣湯好多。牛丸有特色，加埋芫荽，味道又幾夾。涼拌涼皮都唔錯，落足配料，比左好多炸脆黃豆同青瓜，滷水雞翼炆得好琳，夠入味。二碗既份量都幾多，食到好飽。小食叫左麻辣墨魚頭，好爽口彈牙