一鍋瘋 (已結業)

人們對「紫薯乜乜乜」的態度好兩極化，一係好鍾意，一係會好厭惡。上網睇到紫薯可以用來做火鍋湯底，雖然我無咩大的反感，但是他覺得好得意，所以同他一齊去食一次。可能我哋來得比較早，所以好快有位坐。雖然枱與枱之間的空間較窄，不過抽風效果不錯，所以完全不焗促。原來呢度係一人一鍋，除了可以各自點自己喜愛的鍋底之外，仲可以分享選取的食材。他點了紫薯鍋底，而我就點了粟米鍋底。而食材方面，咁豐富的海鮮 set 當然是不能錯過吧~ 另外還選了一些食材。最正的一定係蟹，睇到入面多膏到呢～ 不論係膏或者係肉都香滑到不得了。其他的食材都好好食，款款新鮮美味。我們放入自己的鍋去煮熟，食材都會變色，不過食起上來湯底的味道不會很濃而蓋過食材原本的味道。加過一次水，又食到差唔多，d 水只係剩番三份一左右，職員給我們米飯去煮粥。其實係要邊攪邊煮，否則好易燶底，好快就食得啦～無論係入邊個鍋底，味道甜甜地，較煮菜時突出，暖暖地十個惹味。