影片
更多
2019-09-19
151 浏览
※本文以用餐當日的環境、服務和食物質素為準，口味亦因人而異，文章只作參考之用。-而家不少酒吧內既西餐都愈黎愈有水準😬 最近去左間位於尖東既酒吧+西餐廳既Time Park Lounge，食物都很滿意😍 最印象深刻係佢地既蟹肉燒賣同燒乳豬，估唔到價錢唔貴味道又唔錯！餐廳環境裝潢得幾靚，天花仲吊住唔少乾燥花，佈上都有不少打卡位。餐牌Red Clay $88、Genting Highlands $98兩杯mocktails飲落都唔會有藥水味👍🏻 小妹叫個杯以綠茶做底，面頭係雜莓沙冰，加入薄荷後清涼解渴，很易入口；而咖哩人叫個杯飲落有點似Tiramisu味，都唔錯！自家製蟹肉燒賣 $88一碟三件，外層外落好似炸春卷皮咁，食落真係啖啖蟹肉架！睇下個蟹肉餡😍 堅好食啊！西班牙燒乳豬配啤梨蘋果醬 $268乳豬燒至金黃色，乳豬皮咬落非常脆，連住點脂肪位咀嚼時好香！肉質位唔算好嫩或好乾，不過個人喜歡肉質會再腍少少。加埋少少啤梨蘋果醬同食，個人覺得很不錯啊！水牛城雞翼 （6隻）$78係其他餐廳叫過多次水牛城雞翼都唔係個回事，佢地就做得唔錯，水牛城雞翼醬甜甜辣辣咁，非常開胃。燒西班牙黑毛豬腩配蝶豆花菠蘿干邑
-
而家不少酒吧內既西餐都愈黎愈有水準😬 最近去左間位於尖東既酒吧+西餐廳既Time Park Lounge，食物都很滿意😍 最印象深刻係佢地既蟹肉燒賣同燒乳豬，估唔到價錢唔貴味道又唔錯！
餐廳環境裝潢得幾靚，天花仲吊住唔少乾燥花，佈上都有不少打卡位。
餐牌
Red Clay $88、Genting Highlands $98
兩杯mocktails飲落都唔會有藥水味👍🏻 小妹叫個杯以綠茶做底，面頭係雜莓沙冰，加入薄荷後清涼解渴，很易入口；而咖哩人叫個杯飲落有點似Tiramisu味，都唔錯！
自家製蟹肉燒賣 $88
一碟三件，外層外落好似炸春卷皮咁，食落真係啖啖蟹肉架！睇下個蟹肉餡😍 堅好食啊！
西班牙燒乳豬配啤梨蘋果醬 $268
乳豬燒至金黃色，乳豬皮咬落非常脆，連住點脂肪位咀嚼時好香！肉質位唔算好嫩或好乾，不過個人喜歡肉質會再腍少少。加埋少少啤梨蘋果醬同食，個人覺得很不錯啊！
水牛城雞翼 （6隻）$78
係其他餐廳叫過多次水牛城雞翼都唔係個回事，佢地就做得唔錯，水牛城雞翼醬甜甜辣辣咁，非常開胃。
燒西班牙黑毛豬腩配蝶豆花菠蘿干邑意大利飯 $188
顏色好美既蝶豆花意大利飯，據說用左菠蘿同干邑（白蘭地）去烹煮，味道甜甜的很易入口，飯粒質感煮得恰到好處。就黑毛豬腩食落肉質稍韌，食落又沒什麼調味，較為失色。
张贴
