影片
更多
2022-07-25
86 浏览
Monday blue 就係要食啲好嘢🤤Omakase 係咪唔錯？先食前菜：先來汁煮黑橋貝，爽口入味；味噌蟹肉豆腐；仲有酸酸甜甜嘅水雲，為你打開味蕾，準備迎接豐富嘅晚餐🤭每一道菜都好令人期待，期待師傅帶俾我哋嘅驚喜！然後就到刺身！日本兵庫縣嘅武事蠔配少少紫蘇花，味道鮮甜濃郁。鮫鰈魚口感爽身但魚肉亦有油分，配少少青檸花，味道更加清新。日本倉魚包鮟康魚肝，加少少日本蔥點綴，口感同味道都好豐富，魚肝好食，食完齒頰留香。竹炭鹽配粒貝味道好鮮甜，師傅先拍一拍粒貝令佢收縮，肉質食落更加爽脆。深海池魚真係唔使介紹，肉質鮮嫩，魚味突出。牡丹蝦配蝦子令到牡丹蝦味道更濃，非常好嘅配搭。中拖羅油脂豐富，近乎入口即溶，好回味！蘋果木煙燻鰹魚，成個過程嘅視覺效果都好正！！！然後就到壽司～黑北寄貝係非常鮮甜爽口，好想追加🤤金目綢經過火炙之後，魚油香味好突出👍🏻吞拿魚腦天，即係頭頂嘅肉，魚味好濃，口感軟滑多油脂，又係勁回味嘅一件！沙甸魚相比之下就比較平淡了😌最後出場的是A4鹿兒島和牛配上海膽，兩者嘅味道竟然好夾，和牛嘅油香同海膽嘅鮮味一齊衝擊我嘅味蕾，超級正😍已經食到七成飽，跟住有份量唔少嘅清酒煮北海道赤鮑魚，點少
Omakase 係咪唔錯？
先食前菜：先來汁煮黑橋貝，爽口入味；味噌蟹肉豆腐；仲有酸酸甜甜嘅水雲，為你打開味蕾，準備迎接豐富嘅晚餐🤭
每一道菜都好令人期待，期待師傅帶俾我哋嘅驚喜！
然後就到刺身！
日本兵庫縣嘅武事蠔配少少紫蘇花，味道鮮甜濃郁。
鮫鰈魚口感爽身但魚肉亦有油分，配少少青檸花，味道更加清新。
日本倉魚包鮟康魚肝，加少少日本蔥點綴，口感同味道都好豐富，魚肝好食，食完齒頰留香。
竹炭鹽配粒貝味道好鮮甜，師傅先拍一拍粒貝令佢收縮，肉質食落更加爽脆。
深海池魚真係唔使介紹，肉質鮮嫩，魚味突出。
牡丹蝦配蝦子令到牡丹蝦味道更濃，非常好嘅配搭。
中拖羅油脂豐富，近乎入口即溶，好回味！
蘋果木煙燻鰹魚，成個過程嘅視覺效果都好正！！！
然後就到壽司～
黑北寄貝係非常鮮甜爽口，好想追加🤤
金目綢經過火炙之後，魚油香味好突出👍🏻
吞拿魚腦天，即係頭頂嘅肉，魚味好濃，口感軟滑多油脂，又係勁回味嘅一件！
沙甸魚相比之下就比較平淡了😌
最後出場的是A4鹿兒島和牛配上海膽，兩者嘅味道竟然好夾，和牛嘅油香同海膽嘅鮮味一齊衝擊我嘅味蕾，超級正😍
已經食到七成飽，跟住有份量唔少嘅清酒煮北海道赤鮑魚，點少少鮑魚肝醬汁，味道一流。
師傅之後整咗個超足料嘅碎蔥吞拿魚腩手卷，有圖有真相👍🏻
再食埋茶碗蒸、飲埋碗魚湯、再食一球日本雪糕，真的非常滿足了。
张贴
