美心MX (新文華中心) (已結業)

因為想拿拿臨食餐飯，就揀左附近既美心快餐。好耐好食過美心MX，原來已經提供自助點餐~見到個酥皮龍蝦湯扒餐幾吸引，有牛扒或豬扒&魚柳，配酥皮龍蝦湯，加埋飲品都只係六十幾蚊，值得一試！因為又想食牛又想食魚，就點了一個C2一個C3 share~估唔到咁平，份量竟然係咁大份，有啲驚喜！魚柳同豬扒都好大塊，仲有好多翠玉瓜、 荷蘭豆、紅蘿蔔& 薯菜，食物營養好均勻，減少左食咁多肉既罪疚感😂 魚柳炸得好鬆脆，配埋沙律醬，香口唔膩！酥皮龍蝦湯真係加哂分，酥皮好脆，點龍蝦湯好正！ 整體黎講，六十幾蚊真係超值，岩哂趕時間但又想食好野既人！