鮨匠 (裝修中)

上次朋友食完話唔錯，尤其是要試下個和牛漢堡扒定食，今日約埋幾個同事一齊去試。店鋪空間幾大，不過就有啲啲難搵（其實係我哋唔熟路🤭），好彩有識途老馬帶路。人多食飯嘅好處就係乜嘢都可以叫，有人話下午茶好飽，於是只叫一個小食加三個定食。吉列炸蠔：好鬆脆，一啲都唔油膩，配埋沙律醬都幾好食。特上刺身盛合：四款刺身都好新鮮，最愛油金魚，油份重，又彈牙～配三個前菜，份量非常足夠！加多個櫻花角切丼，嘩！嚟到見到滿滿一碗，真係心情開朗！😍👍🏻雖然係角切，但係刺身非常新鮮。和牛漢堡扒果然冇介紹錯，非常juicy！大大啖肉～每人分半件都好滿足！！店內仲有一個小小自助沙律吧，有無限椰菜絲同粟米畀你，配兩款醬汁。每個定食都跟味噌蜆湯，加多件豆卜，鮮甜味美暖笠笠，十分滿足～🥰😍🥳店員非常親切，會適時過嚟幫你加茶。🙏🏻💞一班朋友傾下…講下…食下…一樂也！