影片
食家推介
今日，一行三人入嚟食午餐，无人得闲招呼，咪自己揾个卡位坐低，有位扎马尾阿姐，叫住唔比坐，话系6人枱，OK理解，咁咪转枱啰，转个头，所谓嘅6人枱，分别都系坐4人及3人，唔知咩安排。咁坐低即刻落单叫咗一个鲭鱼定食、一个三文鱼定食，出去自助吧取沙津菜，误以为隔离系水机，被马尾阿姐离远呼喝问我㩒乜嘢，唔知啫，唔驶咁恶劣态度呀？另一位饭脚未到，大概比我哋迟叫10分钟，佢叫牛舌丼。鲭鱼好快上枱，转头10分钟左右牛舌丼都到咗，最早叫嘅三文鱼未有，等咗有25分钟，咪追三文鱼进度，佢入去厨房话整紧，再5分钟都未有，朋友鲭鱼食完，牛舌丼食咗一半，隔离枱迟十几分钟嘅食物都已经上晒，我条三文鱼应该系游咗出大海未捉到，咁我话如果无就取消单，因为要赶返工，再等几分钟先有餐到，上菜阿姐仲补一句话，三文鱼要煎得耐啲，呢个解释真系“耐人寻味”，平心而论，食物质素OK嘅，但楼面态度要再培训啰。
继续阅读
去完海洋公园后揸车过嚟香港仔食晚饭，行咗成个圈都谂唔到食乜嘢好，最后拣咗呢间日本嘢，初初喺门口见到冇乜人等仲好惊有伏，一坐低侍应已经好好招呼，即刻过嚟斟茶同埋拎餐具俾我哋，四个人叫左个牛肉锅，两个海鲜丼同牛舌饭，另外加咗叫咗个手卷鸡软骨同埋炸蚝，寿喜烧牛肉锅真心不错，牛肉肉质都都ok，唔怪得知周围好多枱都食牛肉锅，两个海鲜丼都好好，亚女话好好食，牛舌饭正正常常如果再多少少汁就好啦👍🏻鸡软骨同炸蚝都几好，唔会话炸到好干
继续阅读
和朋友庆祝生日，想找个坐得舒服啲嘅地方食饭。喺香港仔揾咗好耐，最后拣咗呢间餐厅。本身有啲担心，因为见到啲评论话服务态度一般。但谂住环境重要啲，加上天气热，想食啲清淡啲嘅日式嘢，最后都去试下。点知去到反而觉得几好，服务态度比想像中好。我早咗到，问佢哋有冇甜品蛋糕，虽然冇，但佢哋话可以自己出去买带返嚟食。之后我买咗返嚟，佢哋仲特登帮我哋留咗个比较静嘅位，方便我哋倾偈。虽然食物唔算超惊喜，但都几好食，仲有啲意外惊喜。依家喺香港仲可以有咁好嘅服务，真系唔错，值得写篇长文赞下！
继续阅读
琴日，同我亲戚食晚餐。餐厅比较平民化，价格都比较贴地，算系平民版日本料理。当时就叫左稻庭乌冬，角切刺身饭，串烧小串同炸物。食物系扺食，鱼生新鲜，串烧都调得好味，炸物似坊间买嘅即炸食物，不过还ok。其中饭同面都系会份量较多。基本上净叫饭或面都够食。另外，餐厅会有沙律任食，都ok。整体呢讲食物ok，环境可以坐得耐，适合慢慢来。
继续阅读
嚟过几次食饭，一次差过一次！今次嬲到要写评语! 呢度全部侍应都无礼貌，粗声粗气，次次去都听到佢地整跌啲碗碟落地，总之成个环境好嘈！呢次仲要反问我佢手上啲食物系唔系我叫嘅! 明明啲order喺你度，个客又点知你攞住𠮶啲嘢系唔系自己落嘅order呀！到发现原来你手上𠮶碗嘢唔系我嘅，仲要寸个客唔知你攞住𠮶碗嘢系咩，有无搅错？到我食完个餐，同个侍应讲仲有样嘢未到，佢竟然大大声同我讲「唔可以催单㗎！我催厨房，会俾人闹㗎！」几咁霸气! 吹涨! 到去收银处俾钱𠮶阵，个收银阿姐喺度同另一个职员一路讲嘢一路讲粗口，然后好悔气咁同我讲「嗱! 多谢! 」! 好怀疑自己究竟系入咗间日本餐厅，定系谭仔.... 讲真，谭仔啲阿姐仲有礼貌过佢地好多啰！
继续阅读