鱘昧 (已結業)

同男朋友既紀念日，知道我中意食日本野，畀佢搵到呢間新餐廳一齊試下。入到餐廳，成個環境都係以黑色為主，同普遍既日本餐廳好唔同。食日本第一件事一定係叫返d刺身食，其中個深海池魚王刺身特別出色，肉質細緻爽口。呢間除左omakase，另一個賣點係鐵板燒，同男朋友享受完刺身，就叫返d熱食。我地先叫左個煙熏豚肉，即叫即燒，個豚肉既烹調時間岩岩好，食落口d肉汁爆出黎，肉質超嫩，配菜仲有我最愛既燒翠肉瓜，唔會燒到乾哂水，咬落去仲係好JUICY。身為肉食獸既男朋友決定叫多個A4宮崎和牛薄燒，塊和牛只需要係鐵板上輕輕一拖，仲保留住少少血色，再包住滿滿既香蔥同炸蒜，食落去好香口，加上和牛既油脂，好滿足！