九份茶舍 (已結業)

去葵芳尋美食，無去一排，見到開左好多唔同既飲品鋪。見呢間九份茶舍未試過，所以就試試。呢間都有幾多選擇，最後叫了伯爵黃金珍珠奶茶（少甜少冰），比想像中更好飲，淡淡茶香，珍珠又好咬，值得再試。價錢方便都唔算太貴，同其他台式飲品店差唔多，而份量都多。大杯同中杯只係差好少錢，所以叫了大杯。總體黎講，味道幾好，而且我係平日去，所以都唔洗排隊，叫完好快就有，唔洗點等。但我諗大家如果要試，最好都係叫少糖，比較健康之如又唔會太甜，味道應該比全糖好。