影片
🇭🇰 九份茶舍·三色仙草芋圆$37我哋𠮶日本身系想食甜圆㗎 但系原来佢已经执咗😭😭所以我哋就上网睇吓附近有边间芋圆出名 之后见到网上都几多人推介呢间 就嚟左 点知最后有少少失望🙊佢芋圆嘅颜色有少少奇怪 系有啲似水晶珠咁 而且冇乜味 之后佢啲红豆都好似摆咗好耐咁 食落唔系好新鲜 所以大家可能都系嗌嘢饮好啲🤭😂😂·📍葵芳葵富路7号葵涌广场2楼2015号舖)·#rby💛#rbyeat #rby好去处#rby台湾菜 #rby甜品饮品 #rby港式#rby葵涌
继续阅读
好味指数：😋😋😋😋推荐指数：⭐⭐⭐⭐ 今日嚟葵广附近食lunch,谂住买杯饮品🧃之前有试过呢度嘅芋圆，味道都唔错😁但系一直都未有机会试佢地嘅茶饮，所以今日买咗杯试下😆平时成日饮得多奶茶，谂住叫杯纯茶类，叫咗杯原片四季春茶🌿四季春茶比起一般茶相对较为清新，味道唔会太浓，十分解腻。如果想饮手摇饮品又唔想太heavy可以试下呢间嘅四季春茶👍🏻📍九份茶舍地址：葵富路7号葵涌广场2楼2015号舖
继续阅读
葵涌广场出咗名有好多小食店 当中都有唔少良心小店 嚟咗葵广扫街 其中一样就系嚟二楼嘅九份茶舍饮返杯台式饮品🧋呢层嘅人流都几多 因为隔离舖大部分都系扫街小店 不过我已经决定咗要帮衬呢间💛 台式饮品店黎讲价钱又唔算贵 仲要可以储印仔落印仔卡 储够数就有饮品回赠 都几抵饮今日饮嘅系餐牌上面有推介嘅黑糖瀑布珍珠鲜奶 仲有两只连猪公仔 应该系最推介喇😺 有两种size分嘅 我呢杯就系大杯装 拎上手见到黑糖黐晒喺杯 真系好似瀑布咁流落嚟 挂杯效果一流 影出黎都觉得佢靓🤭搅咗一阵嚟饮都仲系觉得杯底部分会零舍甜 唯有俾多啲耐性再搅吓 咁就饮到黑糖同奶平衡都几好 但系我本身唔系好好甜野 都系觉得有少少偏甜😛 可能下次嗌返少黑糖会好啲 但系都饮得出 佢除咗挂杯嘅黑糖之外都冇再落其他糖浆👻 珍珠都几烟靭 唔会系硬骨骨一旧粉咁😹
继续阅读
本身想食3楼𠮶间但无开，但又想食芋圆就去咗呢间买，买咗碗椰汁西米三色芋圆，一啲甜味同椰汁味都无，芋圆同西米分量又少，椰汁入面仲有点黑色嘢，看返食评原来都有人话佢好难食，如果早啲睇到就唔驶晒钱，又贵又难食
继续阅读
好日都唔行过葵涌广场，谂住路过留少少quota食心爱的芋圆，所以外卖咗一碗热黑糖姜母三色芋圆返屋企，点知把鬼！碗嘢珍珠多个芋圆，芋圆只得六粒，珍珠就好多搭够，碗糖水仲有少少酸味⋯⋯不过公平𠮶句，佢D芋圆质素ok，都够烟靭，但珍珠就一咬即散，溶溶地咁⋯⋯早知咁样，返上楼上3楼𠮶间买好过，楼上𠮶间食过一次又平又抵，呢间要$37⋯⋯失望而回，物非所值又浪费咗一次留肚食嘢嘅机会，蚀左
继续阅读