鮨石 (已結業)

朋友約我嚟呢間尖沙咀omakase，今年1月新開。Overall嚟講食材新鮮，配搭有心思同驚喜，環境同氣氛都好好。今次叫咗Lunch seasonal omakase 呢個set有前菜、刺身3款，茶碗蒸、季節燒物、一品料理同壽司七件，另外有甜品同飲品。前菜：賴尿蝦、螢光魷魚、大和芋秋葵拌海膽賴尿蝦冇額外調味，釋出食材嘅鮮味。螢光魷魚兩食有心思，就咁食同配天婦羅嘅口感好唔同，配搭有新鮮感金目鯛 立鱗燒魚鱗片燒過後立起一片片、口感脆卜卜，肉質厚實。刺身石鯛 肉質爽口，加上柚子皮調味，好fresh好清新。日本象拔蚌 肉質同樣爽口有彈性，配上青檸同海鹽調味、象拔蚌嘅鮮味回味較重。磯邊魚 沙甸魚做嘅磯邊魚，魚味較重、配上脆口嘅紫菜同青瓜絲，口感有驚喜。中拖羅三文治魚油魚濃，比和牛三文治更有新鮮感。係我其中最愛嘅一味🤣 壽司7貫牡丹蝦針魚北寄貝醬油漬赤身Akami池魚赤鯥魚海膽壽司方面～都係啲時令嘅魚，每次去都可能唔同。依家係針魚當造嘅季節，口感彈牙。赤鯥魚魚味香濃、油分較高。總括嚟講每件都新鮮，味道配搭合適最後仲有麵豉湯同甜品甜品係Rapsberry soba+士多啤梨乾，配熊本縣士多啤梨。