February

营业中

休息中

好耐冇食德國咸豬手，今次去咗呢間響觀塘嘅餐廳試吓先。餐廳環境幾有情調，有好多不同燈飾同掛畫佈置裝飾。餐牌入面選擇好多，我哋除咗點咗個德國鹹豬手外，仲叫咗一個set dinner食。🐷🐷德國火焰鹹豬手配酸椰菜（$298）- 餐廳職員上菜時會點火，好有睇頭，打卡一流。豬手整得好好味，唔會過分鹹，皮脆肉嫩。🐠🐠威靈頓三文魚晚餐（$388)- 三文魚煎得好香脆，肉質唔會乾，配合薯蓉食，既健康又好味嘅選擇。🦞🦞法式龍蝦湯（套餐+$20）- 龍蝦湯味道好香好濃郁，十分足料。🐟🐟金䱽魚配芒果柚子沙律（跟餐）- 好淸新嘅前菜，金䱽魚配上香甜嘅芒果，同帶酸酸地嘅柚子，好開胃。🦀🦀牛油果芝士蟹餅（跟餐）- 蟹餅熱辣辣，入面嘅餡料好豐富，滿滿嘅芝士同埋蟹肉味。🍻🍻餐廳有好多不同種類嘅酒精飲品提供，當晚見都有唔少食客好多都食完飯再飲酒咁。環境好舒服，十分適合朋友晚飯聚餐同飲嘢傾偈。