築地番本日式放題 (已結業)

為咗補祝母親節，而且媽咪又係一個放題控!所以專登嚟旺角搵放題餐廳，順便可以行下街結果嚟咗呢間築地番本放題餐廳，黎呢度因為有無限象拔蚌放題 仲有海鮮蒸鍋或磯燒海鮮二揀一，係我心頭好!今日好早六點半就嚟到餐廳，但已經發現人山人海，可能好多人都同我哋一樣遲來補祝母親節第一輪當然呢個刺身拼盤先啦， 呢度嘅刺身拼盤種類算多，而且更重要嘅係有象拔蚌任食， 其他刺身都夠晒肥美新鮮 唔會太冰，蝦就中size可以再大隻d點咗個蟹子沙律,份量唔會太多, 岩岩好抵讚 重頭戲就係呢個海鮮蒸氣鍋,佢提供嘅海鮮全部都大大件大大隻, 海鮮都算新鮮,而且食完海鮮之後仲可以試埋蒸鍋下面嘅魚湯，特別有鮮味呢度嘅壽司我覺得似正宗日本壽司舖嘅賣相，而且食落口感都唔輸蝕， 壽司飯唔會太軟有口感天婦羅炸到金黃色 啲粉唔會太厚 最緊要係夠熱最後呢度嘅甜品選擇亦不少， 媽咪最愛抹茶紅豆奶凍，足足食咗三杯 而我就最愛 焦糖燉蛋及牛奶奶凍，夠香滑， 可以當甜品buffet食下次有機會可以試下鐖燒海鮮有咩唔同，總括非常滿意今餐