神燈海鮮酒家 (18廣場)

营业中

休息中

豬媽生日話想食中菜，所以一早訂定枱，可以預留卡位，一坐低就開了一壺玄米茶 ，之後侍應會遞上餐前小食一客，今晚我地叫了6個餸菜，每碟份量都唔細，分別係椒鹽鮮魷 ，法式蜂蜜芥末蝦球， 傳統小炒皇， 有米佬豬手， 姬松茸滑雞煲， 台風炒新竹米粉 椒鹽鮮魷鮮魷炸得香脆，唔油膩又乾身，又唔會硬掘掘 ，配埋沙律醬一流法式蜂蜜芥末蝦球賣相已經好吸引，蝦好大隻好爽口，炸粉好薄唔厚，芥末籽醬好好味，唔油膩，好開胃傳統小炒皇小炒皇鑊氣十足，大大碟非常豐富，有韭菜花，蝦乾，吊片，銀魚，菜圃，腰果，送飯或酒一流有米佬豬手製作需時30分鐘，豬手整得好嫩好香， 加上煙肉和脆米，配埋辣椒碎，真係越食越過癮姬松茸滑雞煲雞煲好滑， 好多姬松茸同洋蔥，味道都可以，不過唔算太特別台風新竹炒米粉米粉炒得好乾身，質地好彈牙， 超級多配料叉燒，蝦仁，雞蛋，韭黃加芝麻，點埋自家製辣椒油，正呀最後每位都會送上一碗桃膠紅棗雪耳糖水，滋潤又養顏。