喜來稀肉 (已結業)

今日收工好想食燒肉，一路都好想食呢間嘅燒肉，今晚終於有機會食到啦。佢係離旺角站幾條街路程，到左要落地庫，一落到去就有聽到好熱鬧嘅聲音，個場都好爆，入座之前就要量一量體溫。侍應安排左一個角落俾我哋，坐幾都好舒服。枱面已經放好左前菜四小碟，泡菜蛋漿同芝士蛋漿，仲有生菜同醬，呢啲都係可以任添嘅。我哋睇左餐牌，因為好想食牛嘅關係，我地叫左個一頭牛套餐，餐飲就加八蚊分別要左柚子汽水同西柚汽水。個餐有唔同部位嘅牛，一上枱都好大份架，仲有八個醋飯添。我特別推薦喜來烤肉同牛肋骨肉，呢兩款燒烤之後好好食，又juicy。而侍應都好快手好有禮貌，一見我無菜就會自動幫手指換。佢有限時90分鐘，啱啱好食晒就夠鐘，埋單唔駛600蚊，有咁嘅質素同服務，都好抵食！我哋9點走果時，出面都仲有人等位。如果要嚟，記得先訂位啦！