陳根記

营业中

休息中

陳根記：大學年代的飯堂，畢業後都冇再去過了，而家搬左去石門，近鐵路站，位置都幾方便。賣點份量大，足夠大班人一齊share!銀芽假翅（$68）一大碟惹味銀芽炒粉絲，入口帶微辣，可以取代白飯，因為真係好大份。脆皮燒肉（$98）：肥瘦相間的燒肉，燒得剛剛好，有肉汁，外皮又脆。香煎蠔餅（$78）：炸得脆口的蠔煲，蠔肉都算多，就算邪惡都要食！油鹽水蜆（$82）好大一碗，油鹽水的清更能突顯蜆肉的鮮甜，湯底有大量粉絲，索晒鮮味。Wasabi蟹子手撕雞（$85/例牌）眼見幾乎檯檯必點，開胃冷盤，雞肉、青瓜、海蜇加wasabi都幾好味。