風月堂 (已結業)

早已聽過風月堂好食,今次第一次到訪,結果無令我失望.先上餐湯餐包,忌廉湯好creamy,都幾重奶味,質素真的與其他地方的餐湯不同; 雖然料就不夠多,但論味道比pizza hut的忌廉湯更好. 杯cake形的餐包都不俗,咬落好似乾了點,但食落又幾好味. 如果唔飲湯可以選擇沙律,是日為肉醬茄子什菜沙律.主菜我揀了平時lunch好少食的羊扒伴煙肉腸卷(香草汁)配薯菜. 羊扒揀七成熟,都幾大塊; 放入口雖然唔會即溶,但羊扒無"蘇"味,肉質都幾新鮮. 至於香草汁味道不太濃,唔會"喧賓奪主"搶去主角羊扒的肉味. 反而那條煙肉腸卷無甚特別,不提也罷.餐後有甜品雪糕窩夫,雪糕有多種味道選擇,由普通的士多啤梨朱古力,到特別的綠茶芝麻菠蘿豆腐味都有. 我揀了芝麻雪糕,幾好食,幾重芝麻味; 加埋塊窩夫一齊食... 好正!此餐連餐飲盛惠七十二蚊再加一, 好彩有會員咭八折,最後位位六十五.這個lunch絕對貴,不過以食物的質素來說價錢其實OK,單講一個雪糕窩夫都可能要十幾蚊啦!