大喜屋 (已結業)

銅鑼灣放工勁肚餓😖，想食放題醫肚，即刻諗起「大喜屋」，價錢二百幾蚊一個人，而且有質素任食邊度搵？！😎因為之前食過其他分店，所以都好有信心😉。可能都九點幾關係，所以唔洗等位即刻有得入座😆，一坐低兩本勁厚既點菜紙已經等緊我地🤣，由於勁肚餓，所以一開始叫左少少刺身，同好多熟食！因為係放題關係，所以點既份量我地都係叫2-3件，唔想浪費食物😌！刺身新鮮無腥味，而且擺放都好有心機，又有花配襯！天婦羅即叫即炸，食落唔會油膩，啖啖肉，熱烈推介小蕃薯天婦羅，好香蕃薯味甜甜地😋串燒又係即叫即燒，燒得剛剛好唔會乾哂，又用左鹽調味，食落鹹鹹地，燒秋葵勁好味，食左2轉😋芝麻雞亦香脆美味，不得不介紹炸芋圓，雖然有d濟，但都忍唔住食左2粒，仲有一粒炸榴槤，咬落好得意濃濃既榴槤味，外脆內軟👍🏻！雖然勁飽，但都叫埋個雪糕做終結，時限雪糕（草莓味），滿足既晚餐😆食野其間d侍應好勤力，食完就收碟，唔會成枱碟無位放野食👍🏻👍🏻