有田和牛專門店 (水渠道) (已結業)

無飯家庭日日買外賣, 買到都唔知食咩好, 6點零行過花園街, 見到食間新開門面靚仔有日本風既外賣店, 門外有幾個人等緊外賣, 好似唔錯! 係門口部自助機禁兩禁, 揀左兩個個飯試下!每盒都包得整齊乾淨, 加左層保鮮紙所以十分穩陣!MR.ARITA有齊3個部位既牛(西冷, 肉眼, 上後腰), menu寫住係得獎和牛, 打開上層係牛外, 仲有蔥花同飯素, 牛肉燒到一格格坑紋好吸引, 3款牛size差唔多, 牛味一樣香濃, 上後腰既口感最軟熟。另外仲有日本蛋黃一隻, 濃郁蛋香拌飯食一流~卵之極上和牛DON滑蛋同牛融合左, 鋪滿飯既表面, 份量足以拌哂成碗飯! 正!見佢仲有紙火鍋, 有D興趣! 而家成日要買外賣, 又多個好選擇~~