甜牙牙煮意

营业中

休息中

之前都食過同名少幾個字嘅甜品鋪，相信應該係有關連，上次食嘅甜品真係唔錯，所以見到依間又有正食嘅鋪頭唔係唔試試佢掛😂。南瓜湯第一啖飲落已經知道真係用南瓜🎃打碎做嘅湯，飲落好甜好有南瓜味道，仲有啲南瓜碎粒咬下😋不得了。烤豬骨排一上枱色香味嘅色已經好吸引我嘅目光👀，焗蒜頭絕對係我最愛嘅其中之一😍，再配埋其他蔬菜變得非常豐富，烤豬骨排食落除咗有濃厚嘅豬味之外，佢個醬汁亦做得非常惹味😋。腩肉卡邦尼扁意粉嚟到第一樣感受到嘅就係一陣陣嘅芝士香味👃🏻，之後再望望意粉底個醬真係又多又野味😋，再將扁意粉🍝配埋一齊食，嘩好味到不得了，食食下都差啲唔記得試試佢嘅腩肉，食落肉味濃得嚟仲好香口，加上佢有煎金黃腩肉嘅表面，食落仲有啲脆口😋。青檸咖啡梳打梳打絕對係夏天之選，同時又可以有咖啡飲，絕對係不二之選，飲落之後仲有少少青檸味留喺口腔👍。莫卡咖啡咖啡味同朱古力味做到一半一半👍。抹茶西米露河粉抹茶味濃，又有甜甜QQ嘅西米咬下，河粉真係做到一條條，配埋抹茶味好特別👍。桂花麻糬鐘意食甜品嘅必須要試試，幾種唔同嘅咬口，甜得嚟又彈，一餐飯嘅結尾一流👍。