快船廊

营业中

休息中

其實之前食過唔少buffet，所以真係好容易比較出邊間值唔值，本來對文華嘅自助餐冇乜信心，但竟然喜出望外因為始終呢間酒店歷史比較悠久，覺得係舊咗少少，一入到餐廳嘅時候覺得應該一般，但一繞場一周之後又覺得幾好唔錯餐廳嘅服務員服務態度非常好👍首先會問我哋飲乜嘢，茶、咖啡就一杯，汽水就可以任加。食物方便種類非常多，由左手邊數起首先係湯類加熟食，呢啲就一般啦唔多講，蘑菇湯幾好飲唔錯。中間位最吸引，係魚生壽司，魚生方面有三文魚腩、甜蝦、北寄貝、吞拿魚同油甘魚，而且都好新鮮！海鮮方便有凍蝦、長腳蟹、龍蝦🦞等等.....另外有蠔逐次叫，每次可以叫四隻。右手邊有海南雞、牛扒羊㗎、火腿加蜜瓜.....火腿加蜜瓜好食，因為啲火腿比較高質素。還有一個麵包芝士嘅位置，不過太飽嘅關係真係冇揀到麵包，但其實麵包種類亦都唔少好吸引。最後便是甜品區域，真心不得了，全部都好想食而且好好味，特別欣賞佢嘅柚子焦糖燉蛋，甜甜有柚子香味，桂花糕同埋蝴蝶酥，蝴蝶酥一直都係文華好出名產品。整體而言雖然價錢比較高但係物超所值，因為佢用嘅食材質素真係相對比較好，CP值很高。