影片
更多
2021-12-07
33 浏览
九龍灣最近新開左間舖頭仔，都幾多人嗌外賣，舖頭入面都有少量嘅座位。千島醬招牌手打炸蝦餅芝士漢堡 ($88)手打炸蝦餅好厚身，仲要中間真係有隻原隻既蝦添，好彈牙又有蝦味！千島醬同炸蝦餅又好夾。同埋有菠蘿嫁，真係唔多係burger見有菠蘿，好甜好juicy，加分加分。美國安格斯牛肉芝士漢堡 ($98)睇相都見到塊安格斯牛肉有幾大塊，大過個漢堡，仲要係厚嫁，而且都幾重牛味。漢堡有烘過，微微脆身，醬汁唔會搶咗個牛肉味，中間夾住芝士洋葱都仲係食到牛肉既香，幾好食。日式海苔魷魚鬚 ($38) 加咗兩款小食所以有兩個醬汁，揀咗黑松露醬同埋蜜糖芥茉醬。魷魚鬚外層炸皮有啲海苔香，內層嘅魷魚鬚就幾彈牙，點呢兩款醬又幾夾。香辣雞中翼 ($58)唔算好大隻但係足足有成六隻，食落唔辣反而有啲蒜鹽香，仲有肉汁，食到我津津有味。凍頂烏龍冷泡茶 • 可樂飲品竟然有茶揀，即刻覺得呢餐飯冇咁邪惡，仲要個茶都幾好飲，個茶底幾濃香。
千島醬招牌手打炸蝦餅芝士漢堡 ($88)
手打炸蝦餅好厚身，仲要中間真係有隻原隻既蝦添，好彈牙又有蝦味！千島醬同炸蝦餅又好夾。同埋有菠蘿嫁，真係唔多係burger見有菠蘿，好甜好juicy，加分加分。
美國安格斯牛肉芝士漢堡 ($98)
睇相都見到塊安格斯牛肉有幾大塊，大過個漢堡，仲要係厚嫁，而且都幾重牛味。漢堡有烘過，微微脆身，醬汁唔會搶咗個牛肉味，中間夾住芝士洋葱都仲係食到牛肉既香，幾好食。
日式海苔魷魚鬚 ($38)
加咗兩款小食所以有兩個醬汁，揀咗黑松露醬同埋蜜糖芥茉醬。魷魚鬚外層炸皮有啲海苔香，內層嘅魷魚鬚就幾彈牙，點呢兩款醬又幾夾。
香辣雞中翼 ($58)
唔算好大隻但係足足有成六隻，食落唔辣反而有啲蒜鹽香，仲有肉汁，食到我津津有味。
凍頂烏龍冷泡茶 • 可樂
飲品竟然有茶揀，即刻覺得呢餐飯冇咁邪惡，仲要個茶都幾好飲，個茶底幾濃香。
张贴
