Hong Kong Burger (榮發工業大廈) (已結業)

話最耐4個字有一個餐, 等4個字問佢又話等多3-4分鐘, 最後都喺冇, 仲要退錢, 建意真喺有好多時間先好去外賣自取, 同間鋪做唔切可以封單唔落住, 或者講耐啲先有。

見到其他食評，滿心期望，但實際見到實物，真心失望..塊牛肉煎到好燶，而且一岩一忽，見到被人切走左一舊。本身塊肉味道一般，但醬汁好咸，食完要飲好多水。應該無下次喇！

未見過咁平既美式burger，香煎牛肉加3塊煙肉。一手都揸唔晒咁高，openrice做特價只賣28蚊。另外叫埋手撕豬肉burger同櫻花蝦意粉都係28蚊一份，全家人飽了。

$28優惠價有5個不同選擇…有漢堡/pizza/意粉優惠同正價分量品質一樣真材實料⋯煙肉唔肥…量多厚厚漢堡…再加醬汁…味道真係好好！叫了4個…大家食到飽飽又滿足OpenRice 不足之處…沒有得單點薯條⋯下次打電話落單！$28 價錢回到10年前.。希望keep 住有優惠👍🏻

今日我地叫左四個芥末牛肉漢堡嘅，但係芥末醬唔夠，牛肉煎得幾香，lunch set 就跟薯條或者沙律，我地要左薯條，薯條做得唔錯，另外仲包免運汽水，我哋就要做提子梳打汽水，唯獨是個sales一般，我哋明明有提過想用我哋手頭嘅卡仔，佢都唔睇，之後就話叫我哋留返下次用

2022-08-14同女朋友留咗係屋企🏠放假想懶下，唔出街🚶‍♂️女朋友揀咗間HONGKONGBURGER🍔見仲有下午茶套餐😉我哋點了，Mini Burger BBQ手撕豬爆汁菠蘿漢堡套餐，60蚊套餐，包了凍頂烏龍茶，一開盒就見到個mini漢堡，你當係個蛋撻咁大個，係真o咗咀，心諗洗唔洗咁mini🤣，薯條就成盒滿晒，妹仔大過主人婆，但漢堡味道真係唔錯，豬肉一梳梳嘅手撕豬肉，軟淋淋加埋菠蘿好爽脆口感一流，有少少辣味，酸酸甜甜超開胃，味道真係唔錯🫶Mini Burger 安格斯牛肉漢堡套餐，60蚊套餐，包了菊花普洱茶，都係照mini咁大，漢堡牛扒肉質鬆化，加埋菠蘿口感好爽口，唔會再油膩，牛扒肉重牛味，味道幾好🍔日式海苔魷魚鬚，50蚊盒，份量就偏少，外賣食一定無咁香脆了，但海苔調味好唔錯，粉漿痴實魷魚，點黑松露醬，味道幾夾🦑凍頂烏龍茶，套餐包埋，漢堡配茶幾特別，烏龍茶好濃，食完薯條飲返啖茶，冇咁濟🍟菊花普洱茶，套餐包埋，味道淡淡香味，苦澀味變淡，解喝🫖整體味道真心不錯，諗落下午茶套餐份量都唔少，有支茶又有薯條，我哋食完都好飽，建議去堂食，下次再去幫襯🍔☺️🙏🏻#HONGKONGBURGER#Mi

呢間漢堡包店隱身於九龍灣嘅工廈區，有好多款式比你揀，當日大概中午去食，已經有人打去叫定下午茶 ($38嘅mini burger) ，喺附近做嘢嘅朋友都可以考慮下😆我好鍾意菠蘿，所以叫咗BBQ手撕豬爆汁菠蘿漢堡包🤣近排食過好幾間漢堡包店，佢嘅麵包烘得唔算脆，不過啲牛油味又幾香，同埋有甜餐包嗰種鬆軟，個人覺得煎/焗多陣會更正🙈手撕豬嘅色澤比我預期淺，BBQ醬食落偏甜，加埋菠蘿汁就會更甜，所以比較濟，好彩有唔少生菜絲平衡下，豬肉肉質正常😉我覺得純粹係呢款醬汁選擇得唔太好，下次等tea time試下其他款式😝

之前食過美孚分店覺得好出色， 見佢有tea拆左$40幾咁底食就試試啦。話比mini burger 份量係小d既， 不過加埋薯條都食得飽。個包都係外有小小脆加上即做仲有溫度， 個虾餅好厚身炸得好好， 薯條係粗身有薯肉果隻仲有幾種醬比你簡。

.誠意之作！近排成日想食burgers, 今次叫左HK burgers試下，真心好食👍🏼BBQ手撕豬爆汁菠蘿漢堡套餐 ($104)薯條配黑松露醬日本Sangaria蜜瓜梳打成個burger好大個😲手撕豬份量好多，整到扒形咁配上BBQ醬多汁爆汁勁juicy😋 漢堡包好鬆軟有烘過👍🏼菠蘿煙肉芝士漢堡套餐　($91)日本Sangaria橙味梳打薯條配蜜糖芥末醬呢個又係十分足料，勁多塊bacon，煎到好脆好香，口感層次豐富，又有芝士菠蘿，酸甜咸都食到，仲好juicy，爆多汁，食落一啲都唔乾。薯條好食炸得冇咁硬，薯條厚身啲，送到黎都仲微熱，每盒份量都幾多。我自己覺得黑松露醬好食過蜜糖芥茉醬，黑松露醬味道濃郁啲，蜜糖芥茉醬比較稀，冇咩味。不過整體我覺得呢間既burgers係出色又好味👍🏼

見到咁多好評，諗住試下，晚上7點半係電話落定order，買左2個芥末和牛漢堡，趕到係佢地收工前拎到外賣番屋企食。本身都預凍左無咁好食，結果完全好失望。2個包既牛肉漢堡都係生嘅，好似牛肉他他咁。牛肉都冇牛肉味。成個包油淋淋，冇醬汁，話芥末味完全食唔到，芝士又唔香，成個包根本無咩味。 都已經唔係繁忙時間買，晚上九龍灣根本無咩人，都可以咁求其整，真係對呢間野好失望！！ 仲要定價咁貴，出d咁既品質，太恐怖，希望唔好食物中毒！

芫荽天婦羅豚肉漢堡包好大份，包入面首先有一餅炸到好香脆嘅芫荽天婦羅，之後係一塊厚身嘅芫荽豬肉餅（口感幾紮實，唔會乸到鬆哂），最下面係幾條新鮮芫荽加沙律醬。我冇諗過個包咁大～仲有三種唔同食法嘅芫荽，豬肉餅都有咬口，好驚喜👍不過豬肉餅唔知落咗咩調味，食到條脷有種吉吉地嘅感覺。吉列蠔芝士漢堡包包入面有三隻吉列蠔，絕對唔係放題質素，蠔都唔算細隻，食落都新鮮！醬汁係平時食生蠔會點嘅cocktail sauce~

#外賣都要食好啲 近排物色咗啲唔錯嘅外賣店，呢間係其中一間位置在mega box附近，又近零碳天地，散步完再買番屋企食就岩哂～.［BBQ手撕豬爆汁菠蘿漢堡包］ #真心爆汁手撕豬肉絲好嫩，配BBQ sauce好惹味加埋塊厚切菠蘿，三個字：勁Juicy😆👍🏻.［法國芥末和牛芝士漢堡］芥末味好香，配和牛好夾🥰和牛帶豐富油花，令肉質更鬆軟👏🏻肉質綿密，鮮嫩多汁！而且好夠厚，絕對可以一試😉.除咗漢堡包多款式，仲有pasta & pizza仲有啲特別漢堡，例如芫荽漢堡包🤣不過有日子限定～仲有狗狗美食😍真係超多元化！....#ca師奶餐廳_九龍灣

今日諗住去九龍灣大型傢俬店買嘢之前 搵下附近有咩好食餐廳食飽先至出動 搵到呢間位置有少少隱蔽嘅漢堡包店實在令我非常之滿意本身我都好鍾意食漢堡包呢度仲要係有咁多口味同配搭實在令我有啲選擇困難老闆介紹下試咗呢個美國安格斯牛肉芝士漢堡 朋友就想試下佢哋嘅意大利辣肉腸菠蘿薄餅我哋仲追加咗小食見到好多人都推介呢個日式海魷魚鬚 我哋就決定試下另外仲要咗份薯絲蝦同埋要多份薯條 飲品要咗個日本梳打另外加錢要咗枝冰泡茶首先講下小食 大讚佢呢個海苔魷魚鬚 海苔味真係令到個魷魚鬚生色不少 另外個魷魚亦都係炸非常好味 皮薄夠脆口 魷魚鬚份量十足 食落煙靭 有咬口 好食 兩個人爭住食好快食曬薯絲蝦唔係周圍有得食到 一絲絲既薯絲包住蝦 食落多重口感 而且亦都好香口 好味道我地見佢有好多醬汁可以揀所以就要多份薯條點醬食 薯條漲卜卜 滿滿熱辣辣嘅薯仔 黑松露醬同芥末醬我最鐘意至於我個漢堡包真係不得了 可以講係我食過嘅漢堡包裏面都排第1，2位咁嘅水平 個包輕輕加熱過咬落軟熟 patty非常多肉汁 肉味極濃郁 夾埋菠蘿 洋蔥，芝士同埋佢嘅醬汁 食落係非常多汁，惹味，開胃 食到停唔到口 不過佢真係太有份量即使已經同朋友一人

一啖都咬唔哂既漢堡包🍔講緊嘅係位於九龍灣嘅「Hong Kong Burger 🍔」呢間小店每日都有不同嘅漢堡包俾大家選擇！除咗牛肉🐮之外仲有魚蝦及一啲特別嘅配搭選擇架🙌🍤千島醬招牌手打炸蝦餅芝士漢堡🍔漢堡飽身夠軟身🍔蝦餅真心超厚而且蝦肉彈牙結實😎中間部分仲特別隱藏一隻全蝦🍤與配料甜甜圈菠蘿🍍及芝士增加口感😋🐮 HKER巨人爆汁煙肉牛肉芝士漢堡🍔吖得巨人真係唔係講笑😬 連個朋友都話一睇就知大舊到一啖都咬唔到底😂要分開兩層食🤪牛肉兩大塊好juicy😊口感好好唔會太咸或者煎得太乾身睇得出係落足料架😍配料仲有芝士🧀及煙肉😋食到我個朋友飽晒😂🥔盒仔炸薯條薯條好酥脆🍟醬汁選擇都有8款選擇🙌而我就選左最喜歡的黑松露及蜜糖芥末醬🥰炸魷魚鬚🦑炸魷魚鬚相當香口又脆😉肉質實肉有咬口😋外面炸漿又唔會好厚👍🍄自家製杯裝忌廉蘑菇湯特色杯裝忌廉蘑菇湯佢唔會太稀😉而且明顯食到粒粒蘑菇仲有狗羅埋面頭既煙肉乾幾好飲啊😍

與友共聚友人做完野，在九龍灣工業附近搵食，一齊食burger！食Hong Kong burger😍食食下發現有狗狗美食，好窩心呢，造型有齊漢堡、pizza和意粉，相信老闆也是愛狗之人～人均：$141.美國安格斯牛肉芝士漢堡跟餐配薯條，除了茄汁之外，薯條配黑松露醬好好食！漢堡的牛肉大大塊，配上洋蔥、生菜、芝士、菠蘿，口感豐富，每口味道一個女仔食一個包好飽，幸好我們都比較大食🤭.法國芥末和牛芝士漢堡和牛肉汁極多，肉味濃郁，主角專一品嘗牛肉味道，不可以錯過。.日式海苔魷魚鬚日式芥末沙律醬和蜜糖芥末醬都好夾香脆魷魚鬚，份量好多，兩人以上一齊分享好開心！.薯絲蝦一共有四件，第一次食薯絲包住蝦，新鮮炸好，外脆內軟，滋味十足。.飲品加$5轉飲茶類，凍玫瑰紅茶、熱粉紅玫瑰紅茶，女人要養生！.@hongkongburgerhker