雲南小鍋米線 (已結業)

出去深水步買野，差唔多午飯時間想食米線，路過見到呢間就入左去侍應招呼一般，見我一個人就叫我坐左去門口走廊位，成餐都周身唔自在點左個小鍋米線，侍應阿嬸叫我加"食送"，我就點左「雲吞」、「酸菜」「酸菜」夠晒酸，合格。「雲吞」睇落皮好厚，點知一碰就散開，仲要根本就唔係雲吞，只見肉碎同少量菜，嚴格黎講，係「水餃」，唔係「雲吞」，貨不對辦。另外，碗野上台時，湯面有類似黑芝麻的物體。仔細睇清楚，原來係有腳的小甲蟲浮屍。我冇叫侍應黎換，因為我唔想浪費食物，但係以後都唔會再去呢間鋪頭了。如果食客唔介意平平地食碗米線係可能會加料的話，我唔會建議大家唔好去呢間，不過附近可能會有更好的選擇吧。