影片
更多
2007-12-21
14 浏览
同老婆行左成日旺角,行得好累諗住搵地方醫肚,見到呢間野好似唔洗等位,於是就入去,咁就癩野.1. 一推開門,以為自己去左工廠區,d位逼到無得再逼,我好佩服點解d人可以坐得到,點內完全無feel同氣氛可言.2. 被安排係正廚房出食物位,開頭都算,點知就係呢度出事:見到晒廚房環境,包括食物處理過程,衛生程度...d人拎野食出黎三次唔埋兩知就撞到你,但係完全當無事發生,一次道歉都未聽過.3. 翻開menu,靜左...一碗拉麵要$40...睇下自己咩環境先得架...點解我唔去味千,唔去和民?!就算連金太郎都好過你啦!環境+價錢+質素+服務態度一定好過晒魚心!9:00pm點左一客吉烈豬扒拉麵同一客海鮮拉麵,9:30張檯同9:00pm既分別就係多左兩對筷子同兩隻豉油碟.4. 入面"處理"魚生果位"師傅"好有問題:用雙手掂過未洗既污糟碗碟,再掂三文魚魚生+蟹籽+芥辣,竟然完全無洗過手,最離譜既係處理蟹籽同芥辣既時間係徒手,真係大開眼界!乜呢個世界上無匙羹或者鉗架咩?睇住佢隻手係咁將芥辣"fing"落碟野度,呆晒.一直掛住聊個女伙計,直到記得要洗手,隻手濕淋淋就繼續"處理"魚生.5. 廚房地下佈滿雜物+
1. 一推開門,以為自己去左工廠區,d位逼到無得再逼,我好佩服點解d人可以坐得到,點內完全無feel同氣氛可言.
2. 被安排係正廚房出食物位,開頭都算,點知就係呢度出事:見到晒廚房環境,包括食物處理過程,衛生程度...d人拎野食出黎三次唔埋兩知就撞到你,但係完全當無事發生,一次道歉都未聽過.
3. 翻開menu,靜左...一碗拉麵要$40...睇下自己咩環境先得架...點解我唔去味千,唔去和民?!就算連金太郎都好過你啦!環境+價錢+質素+服務態度一定好過晒魚心!9:00pm點左一客吉烈豬扒拉麵同一客海鮮拉麵,9:30張檯同9:00pm既分別就係多左兩對筷子同兩隻豉油碟.
4. 入面"處理"魚生果位"師傅"好有問題:用雙手掂過未洗既污糟碗碟,再掂三文魚魚生+蟹籽+芥辣,竟然完全無洗過手,最離譜既係處理蟹籽同芥辣既時間係徒手,真係大開眼界!乜呢個世界上無匙羹或者鉗架咩?睇住佢隻手係咁將芥辣"fing"落碟野度,呆晒.一直掛住聊個女伙計,直到記得要洗手,隻手濕淋淋就繼續"處理"魚生.
5. 廚房地下佈滿雜物+食物殘渣,"哩啡"到不得了,點知洗碗阿姐一聲唔該,將d岩岩"洗完"既碗碟擺係地下......途中不停聽有水聲,原來係d員工洗手水濺落去d碟既聲黎架喎~!
6. 果d仲滴住水既碗碟,未抹過就被用黎放魚生......
越坐得耐,見到間咁既野我就越驚,個肚都唔咁餓落去,即刻拉埋老婆走,去味千食,一出門口果下好似逃離地獄咁,終於都明白點解間野門面貼晒反光貼紙,望都望唔到入去.
各位填OK或者好既朋友,麻煩第日評分之前留意埋呢間野既廚房先啦~哈哈~如果淨係想求其搵d野食落肚既話,我建議您地都係情願自己餓得辛苦d都好過挑戰自己既免疫力喇.有人可能會諗:間間舖頭都係咁架啦!大驚小怪! -->咁您地不妨黎試下喇,我真係好慶幸自己及時走,亦都好慶幸d"食物"黎得咁慢!
张贴