花宵 (已結業)

今日嚟到銅鑼灣，花多眼亂唔知食咩好，去到登龍街，我就諗住試吓啲樓上件事好少去嘅地方。今日想食日本嘢，又唔想自己諗，最好食啲廚師發板類型嘅嘢。既然係咁，我就全權交晒比餐廳老闆決定。呢度嘅員工都幾好㗎，知道我唔鍾意食天婦羅，我就叫佢改咗另一樣食物，佢整一個燒魚頭同埋魚骹俾我哋，真係眼前一亮！前菜嘅魚生，外貌精美，食落口甜，正呀！最後嘅甜品係日本嘅特色甜品，叫做缺餅，抹茶紅豆，我嘅至愛！佢仲有個好搞笑嘅燒茄子，其貌不揚，識落口都幾好食㗎！