羅勒印度餐廳 (七姊妹道)

营业中

休息中

羅勒印度餐廳星期六特登去試呢間印度餐廳，午市人唔多，唔洗等位。坐底左睇就memu，因為未試過就叫一個咖哩雞，同一個鐵板羊試一試。本身服務員都係印度人，我估廚師都應該係。上菜喇，兩樣都熱辣辣，鐵板仲“查查”聲，好熱架。咁先試下個咖哩先，原來唔係我想象咁辣，香料味濃，甜甜地既，仲有D椰汁香味，口感算係滑既，配飯食就好夾，但係個雞就多左少少骨，同D肉靱左少少。再試個鐵板羊肉，味道好好，香料味同個汁都好夾個肉，肉質唔會太靱，亦有咬口，只係略嫌份量少左D，唔係好夠食。總括而言，第一次黎覺得呢間餐廳同食物味道都有特色，可以一試。