影片
更多
2009-11-26
31 浏览
上個月重陽節嚮荃灣登高後, 本來諗住嚮荃新天地一期食lunch, 點知無意中聽到有個商場阿姐好大聲咁同人講, 話二期開左間潮館, 好抵食云云. 於是我地一於去試下.呢間潮館位置比較隔涉, 不過都唔算難搵, 因為當時整個二期商場只有呢間食肆開左!! 未到門口已經見到好多人嚮門口等, 我們亦等左15-20分鐘先有枱. 入面真係人山人海, 枱與枱之間冇咩位, 又排得好密! 裝設同其他潮館差唔多, 都算"潮"! 坐低後立即攞點心紙剔點心. 不過可能由於太多人做唔徹, 等左好耐之後(約20分鐘後), 先至有點心上枱, 餓到肚打鼓!!我地叫左: 牛肉腸粉, 一口蘿蔔糕, 排骨陳村粉, 棉花雞, 蠔仔粥, 蝦餃+燒賣, 唔知咩帶子餃牛肉腸粉: 不大碟, 牛肉較少, 但有一粒粒綠色像菜粒般的東西, 腸粉也不太滑, 一般水準.一口蘿蔔糕: 呢個比較好, 蘿蔔糕製成正立方體, 賣相不錯; 味道很香口, 也帶點辣, 應該係xo醬味道; 可惜不夠熱, 而且炸得過火, 外層較硬而且有d "火隆", 否則應該更好!排骨陳村粉: 超搵笨之作! 只有三件排骨, 而且頗肥! 陳村粉少得可憐, 只得三幾條, 一人吃一條後
呢間潮館位置比較隔涉, 不過都唔算難搵, 因為當時整個二期商場只有呢間食肆開左!! 未到門口已經見到好多人嚮門口等, 我們亦等左15-20分鐘先有枱. 入面真係人山人海, 枱與枱之間冇咩位, 又排得好密! 裝設同其他潮館差唔多, 都算"潮"! 坐低後立即攞點心紙剔點心. 不過可能由於太多人做唔徹, 等左好耐之後(約20分鐘後), 先至有點心上枱, 餓到肚打鼓!!
我地叫左: 牛肉腸粉, 一口蘿蔔糕, 排骨陳村粉, 棉花雞, 蠔仔粥, 蝦餃+燒賣, 唔知咩帶子餃
牛肉腸粉: 不大碟, 牛肉較少, 但有一粒粒綠色像菜粒般的東西, 腸粉也不太滑, 一般水準.
一口蘿蔔糕: 呢個比較好, 蘿蔔糕製成正立方體, 賣相不錯; 味道很香口, 也帶點辣, 應該係xo醬味道; 可惜不夠熱, 而且炸得過火, 外層較硬而且有d "火隆", 否則應該更好!
排骨陳村粉: 超搵笨之作! 只有三件排骨, 而且頗肥! 陳村粉少得可憐, 只得三幾條, 一人吃一條後已經冇得剩! 陳村粉似一般腸粉多d, 同以前食果d差好多!
棉花雞: 一般棉花雞的用料, 味道不突出, 不過魚肚也算多!
蠔仔粥: 應該係招牌貨, 有蠔仔又有豬肚, 不過餸很少, 不過味道ok, 如果多d蠔仔同豬肚就更好!
蝦餃+粉果: 蝦餃最大敗筆就係餃皮太黏, 一夾就穿又黏住張紙! 蝦肉冇咩味道, 唔得! 粉果反而好d, 不過講唔上好食.
唔知咩帶子餃: 賣相好得, 頂上面有d一條條好似魚翅既東西; 不過魚翅同帶子都冇咩味道, 係好睇但又冇咩特別既點心!
以上咁多碟點心有同一通病, 就係唔夠熱! 送到上枱都只係"暖暖地", 大大影響味道! 枱很密之外, 侍應也實在分身不下, 因為枱太多人客又多, 做都做唔徹!!! 所以加水都要我地自己加, 等佢幫你加的話就有排等!!但講番轉頭, 侍應的態度其實不差, 不過太忙啫! 不過呢度唔使加一又唔使茶錢, 加上點心有特價, 所以要求唔可以太高.
张贴
