潮館 (已結業)

新野喎😗😗😗翠肉瓜環，幾好味，但食得出釀入去d肉8成都係肥豬肉😂請俾分：5/10但最開心係炸兩腸👏🏻👏🏻👏🏻好耶！係脆既！仲有南瓜玫瑰饅頭～

食物幾好，價錢大眾化。但服務就好差，唔單止樓面人小，就連一些基本服務都不達標。我找個負責我張枱的女侍應幫忙影張相，她都不太願意，只是免強應酬一下我們，真是近年難得一見咁差。

位於荃灣荃新天地二期，地點方便，近西鉄出口。隔鄰是荃灣公園，是小朋友們的歡樂天地。今次的重點是龍蝦E面底，龍蝦肉新鮮、彈牙的，十分有口感！很回味！ E面靭度十足，有嚼口，兩者配合得完美！最後是壽包作甜品！壽包鬆軟有彈性，餡料甜度適中，而且份量真的很滿足！

潮館今日午餐同一大班同事去飲茶，就book左去潮館試下。飲茶最重要係坐得舒服同食點心，呢間環境都唔錯，蝦餃、燒賣、潮洲粉果就唔係特別精緻，賣相普通，味道都幾好既；D煎炸點心好似煎蘿蔔糕、煎堆都係新鮮整起，唔錯；而D抄飯，抄麵都ok，唔會太油。總括而言，早茶午市都可以選擇。

自問已經寫左食評都好一段日子，一直以黎都以尊重的心態去對待每一間餐廳及食物，但今次既經驗實在不吐不快！是晚叫左個半席六人餐，點知先係惡夢既開始……奇趣一︰冇晒可樂？做左咁多年人大大話話都應該去左幾百次酒樓，但都係第一次聽到「冇晒可樂」？重要問佢有乜野其他alternative之後重要完全被ignore，求其放低一推忌廉就算！奇趣二︰龍蝦「烏冬」？乜龍蝦唔係跟伊麵咩，龍蝦下面擺晒D腍到一pat野既烏冬個感覺真係好差！奇趣三︰百花吉列蝦。蝦冇蝦味，反而有少少魚味，令我對佢既取材不其然有點擔心，不過應該似係凍肉舖或者係759等等之流既冷藏食物。奇趣四︰普寧梅子穗香雞。雞冇雞味，亦都冇梅子味，甚至連雪味都食唔出。由於肉同埋皮分得非常之開，我有理由相信係由微波爐或焗爐等等精心翻熱之作！奇趣五︰「精品豆腐花」大爆趣！要留意呢D唔係7仔果隻size，而係放題任攞果種只係得一半厚度。不過，因為係百福製作，所以算係全晚比較可取的一道「菜」！坦白講，呢間酒樓既怨氣好重。傳菜亞姐同廚房互相鬧交，樓面同樓面亦都不停互相單打。所以，見到咁既情形我地一行人都好識做，盡量都唔敢麻煩佢地，自己的事自己做，自己攞條布抹

小妹出城初嚐位於荃新天地的「潮樓」， 第一次見識「圖片只供參考」及「菜單如有更改，恕不另行通知」，以下只係今日晚餐既撮要:檯到成攤水，多次叫職員處理後20分鐘都無人理會，最後當然係作為客人既我地自行處理，小妹都係第一次出街食飯俾錢之餘仲要自己抹檯架。我地食果個餐包3罐汽水同一支啤酒，唔飲酒既我地可以將支啤酒轉2罐汽水，咁我地TOTAL 就有5罐汽水，諗住全部都要黑樂既時候，誰不知咁大間酒樓竟然得返Cream Soda 同紅樂。龍蝦伊麵最後變左做龍蝦烏冬，係小妹我鄉下妹唔識野有同烏冬有99.9999% 相似既新款伊麵出左我唔知，定還是「圖片只供參考」及「菜單如有更改，恕不另行通知」呢?吉列蝦個樣就真係幾似蝦既，但係食落似係魚多D，咁究竟佢係咩黎呢?所謂既「精品豆腐花」原來只係百福豆腐花，真係第一次係酒樓食，當係見識下。第一次出街食飯會上左甜品先上主菜，係個「精品豆腐花」上菜後成30分鐘，呢個「梅子穗香雞」先至上菜，期間仲追過超過5次添。酒樓環境極差，成地都係垃圾，令到食客坐得好唔舒適。埋單走人時收銀仲同我地講話拜拜啦下次見，咁既服務，咁精品既豆花，我會唔會再黎呢?

呢個中秋, 做節, 唔想同人逼,本人合家話咁快就做左節啦~唔知邊個家庭成員o既"好主意"去左荃新天地間"潮樓"話有唔知咩套餐好抵食咁話事關是次統籌呢件事果個人唔係本人所以食乜我事前冇點深究但我想講下幾樣野第一! 明顯個個做到踢晒腳,甩晒碌,檯檯人點咩都等好耐, 全場怨聲載道!!第二! 叫侍應跟進.佢反而叫你問返"果邊果個經理".哇!咁都得?第三! 送菜速度其慢而且求其是但,居然第一味黎o既, 係魚! 傻的嗎? 你唔好送左個炒飯同甜品上黎頂住先?第四! 經理態度其差! 講返頭先條魚.送黎係凍既而且個頭仲係甩甩地既, 我地唔敢食,叫經理換,佢好"易話為".佢肯換俾我地, 但一句"唔食咁就倒左佢啦",就將成條班倒去車仔d盤!咁其實係發個客悔氣定份工打得唔開心呢??第五! 最驚喜之作: 精品豆腐花!!自己睇圖!!!!那是因為做唔切豆腐花所以要搵"百褔"幫拖嗎?但比較7仔賣既豆腐花,你地睇下個五蚊銀先! 勁呀!別注版!慌死都市人攝取過多蛋白質會心臟病啊!!!!總結: 我地陷家都做左環珠格格福爾康個friend----伏已中.

這陣子家人也喜歡到潮樓飲茶，星期六的下午便相約了與外祖父來喝下午茶。我們七個人共叫了十七個點心。大部份也是普通的港式點心，十分油膩。雪耳涼伴青瓜料子很少，味道普通。小籠包皮厚，肉餡不鮮味。皮厚炒蘿蔔糕是唯一較好吃的點心，但也偏油膩。叉燒酥的餡料很少。排骨的味道也不錯，淋口。環境有點嘈雜，一大群人聊天有點辛苦。但價錢優惠。

也是時間補記妹妹的百日宴，其實原本甜魔一家已訂了元朗的酒樓，但由於要遷就姨姨及叔叔，臨時臨急改變初衷，去了荃灣潮樓慶祝。當晚旨在大家一起聚餐，八大兩小點了半席汐影輝陽宴，再散點一湯兩小菜；食物十分普通，不過真的份量十足，可見圖相如下：　一來先飲功夫茶，超苦的；半席又包一jar果茶，味似酸梅湯，也不錯的。　散點的人參雞湯，算可以紅燒鮑參海味翅，一共分了八碗之多汕頭鵝皇大併盤，這裡的鵝片不差黑松露醬爆雪花蚌吊桶花，其實不看菜名不覺有黑松露味酥炸黃金墨魚丸，半席也有8粒，應該是按人頭加多了蠔皇原隻鮑魚扣花菇，全場最名貴的鮑魚，反而不太受歡迎，哈哈!自家糯米飯玉液靈芝菇泡菜苗清蒸大海斑脆皮炸子雞宴席完畢，之後是散點的醬烤鴨也是散點的方魚炒芥蘭我們又另點了三碗白飯，餐後還有蟠桃大壽包，其實當晚最吸引的項目，都算是這香甜又軟滑的壽包了，之後再加上壓軸出場的法國Cacao Barry Baileys朱古力慕絲蛋糕，十分飽足。　不收cut cake fee，埋單只是$930多，以此價位，真是無可挑剔的一餐。

環境很寬敞，燈光不太刺眼，我要重點推介黃瓜排骨湯，天時暑熱至岩飲黃瓜呢類涼涼的食材，黃瓜不會太大塊，而且唔算太苦，反而有甘味！仲有叫左個滷水鵝片，鵝片切得太薄冇口感，太厚又肥膩，很考師傅刀功，厚薄要拿得很準確，雖然這個鵝片切得比較薄，但滷水汁值得一讚！

2-5-2013(四)是日晚上，做乖乖女，和媽媽來到 潮樓 吃晚餐。我們共叫了三款菜式：星洲炒米：賣相不太好，但份量確實很大的一碗，炒的濕度頗適中，不會太油，尚算乾身；米粉亦有一定的韌度；配料大致豐富，惜咖哩味不太濃郁，辣味感欠奉。豬皮蘿蔔：很弱！鹵水汁像欠奉，蘿蔔的味道更淡如水，有渣亦沒有清甜；豬皮較黑身，還帶著頗多的豬毛，感覺處理時不太潔淨。鹵水拼盤：內有雞蛋、雞翼、紅腸、鴨肉等材料，份量很大。鹵水汁顯然不及一些著名潮式食店般，能具有不同層次的味道，但這個也尚算可以，汁底也頗香濃，食材本身也夠入味，我還點叫可樂伴來吃，真滋味！埋單共約$250。整體而言，味道不過不失；勝在份量夠大！

今晚特意揸車來食宵夜，因為有6折！我一入去見到好幾枱都食緊蠔餅，所以我都點了，另外仲點了大眼雞丶豆腐泡芽菜魚條丶鵝件。椒醬肉賣曬=.=大眼雞幾大條，配豆醬，好食！鵝件下面是墊了鹵水豆腐，鵝件的肉都好滑，豆腐鹵得入味，正。豆腐泡芽菜這碟唔知係米師傅落辣重手左，幾辣，之前向青衣果邊食唔係咁，不過都可以食到，如果完全唔知得辣的話，就要注意。蠔餅，真係賣相好，而且味道也很好，蠔多而且肥，絕不會因為有折而縮水。整體來說，抵食好食，下次會再來。

本想打開邊爐，但有酒席而取消火鍋部份，所以轉戰潮菜！眼見潮樓冇人等位，就一枝箭沖入去，隨即點三個菜，之後就坐定定等開飯！但不知不覺就等左三十分鐘，但一個菜都沒有，斎飮菜，不過旁邊左右就有菜上，於是找了個服務員跟進，怎知再等左十分鐘，還是一個桔都沒有！終於忍冇可忍，走到收銀處要求取消所Order，並離開時，有位女服務員即時協助跟進，走入廚房！她很快的取出一碟白灼的「方魚芥蘭」，再過三分鐘就再送上冇麻辣而咸的「麻辣鷄煲」，最後更即時送上第三個菜「XO醬乾煎蝦」，呢個菜都算幾特別的，用煎蘿蔔糕做底上放幾隻蝦！味道還不錯！不過，縂而言之，全部食物都偏咸，好求其，服務質素太差，唔會再考慮此餐館了！極為失望！

今次係屋企人話尼呢度食, 慶祝母親節~一到步, 屋企人話要食個母親節餐~ 七個大人兩個細路...剛好可以叫半席~睇下個menu同一般酒樓都係差唔多~ 都係D雞呀魚呀咁~好啦~無意見~~點知就出事～首先尼個拼盤~~ 心唸~咁細0既?! 得兩粒蛋(即係半隻蛋)...D 鵝片得D皮同肥膏~ 好~ 跟住尼個單叫0既蠔餅~ 都係好細~~ 味道都可以~跟住尼埋個飽魚鵝掌~ 呢個我唔食0既~ 見個賣相唔差...又係細D囉~哈~ 跟住就乜都唔尼~真係燥左~~ 等左四個字都乜都無尼~問左部長~~ 話整緊~好...過一陣又真係上個翅~~ 味道唔差~ 但俾個黑醋你囉~~ 姐夫無睇清楚...中左~跟住又係等~ 一等就半個鐘~ 真係人都顛~~　問佢地。。。就不停話條魚蒸緊～咁其他野呢～隻雞先經典。。。得四份一隻～　等於半隻雞脾加兩件雞胸～個海鮮卷裏面得一粒芒果同一隻蝦毛～～！！！等左十世０既魚我無心機食～～　ｓｉｚｅ就唔使講啦～仲有個菜苗先勁～～我唔講喇～～大家睇相～　食左大半餐我真係見到個菜苗先忍唔住要影相～之後０個Ｄ包呀飯呀～　都係要三催四請先到～埋單千五蚊～　真係想去麥記食返個包無咁嬲～　難食＋無服務～一

星期六起身想飲茶, 見唔駛等位, 試吓新嘢一坐低, 張枱抹完好似冇抹過咸水角好似油浸咁, 牛腸裡面啲牛肉乾到好似肉乾咁係好平, 但係食物將貨就價, 冇樣好食,埋單要等, 但係竟然有個伙計響收銀處挨埋牆坐喺度打喊路, 偷懶可以行遠啲冇下次