影片
更多
2016-09-01
232 浏览
一朝早滿腦子都係肉碎豆豆飯，lunch決定去碰碰運氣，又真係搵到間泰國小店，唔好諗咁多衝埋去啦～見到餐牌即刻望下有無肉碎飯先，仲有得揀豬定雞咁招積，唔該要個豬肉碎豆豆煎蛋飯丫。落完order話咁快凍泰茶就送上，味道尙可，略嫌甜味太搶，茶味唔夠濃，欠缺泰茶獨特香味。不過個肉碎飯加番唔少分，望落好多肉碎同豆豆，飯餸比例1:1，加埋九層塔、大小紅辣椒一齊炒，真係好香～食落好惹味，豆豆又炒得夠爽脆，味道偏濃，送飯啱晒。最想講一講塊青瓜，通常伴碟嘅都未必新鮮，「搏一搏啦～」咬落雖然未算得上好fresh，但食到有青瓜果種清甜味，而且爽口，反而呢個有驚喜😂一路食緊果時不停有人幫襯，肉碎飯印象唔錯，下次有機會再試下其他先～
見到餐牌即刻望下有無肉碎飯先，仲有得揀豬定雞咁招積，唔該要個豬肉碎豆豆煎蛋飯丫。落完order話咁快凍泰茶就送上，味道尙可，略嫌甜味太搶，茶味唔夠濃，欠缺泰茶獨特香味。
不過個肉碎飯加番唔少分，望落好多肉碎同豆豆，飯餸比例1:1，加埋九層塔、大小紅辣椒一齊炒，真係好香～食落好惹味，豆豆又炒得夠爽脆，味道偏濃，送飯啱晒。
最想講一講塊青瓜，通常伴碟嘅都未必新鮮，「搏一搏啦～」咬落雖然未算得上好fresh，但食到有青瓜果種清甜味，而且爽口，反而呢個有驚喜😂一路食緊果時不停有人幫襯，肉碎飯印象唔錯，下次有機會再試下其他先～
张贴
