葵花堡 (已結業)

前几日同朋友行完街走左入棉登径 好耐冇去过依条街 原来依家条街多咗好多餐厅 见到呢间餐厅个名几得意 葵花堡 重点系有波睇有酒饮 环境唔错 好啱同朋友摸酒杯底吹吓水 依家仲要做紧199$任饮个半钟 其实几抵 红白酒啤酒都有 仲有只咩日本highball 但我觉得酒味太淡 都系饮返啤酒算 但系任饮冇得拣手工啤 下次再试佢啲手工啤先 因为食咗饭先去饮嘢 所以唔系叫咗好多嘢食 啲嘢食都唔错 烧得几够火喉 不过衰在menu选择比较少 但串烧送酒真系一流 原本饮完谂住走 见到隔离枱叫左甜品但睇返menu又揾唔到 一问之下原来个甜品通常系俾订枱有生日嘅朋友叫 不过店员话当然正常人都可以叫 只不过冇印落menu 成餐我最钟意个甜品 因为本人嗜甜 店员话个馅系芝士但我觉得似吉士多啲 不过烧到外脆内软好食