葵花堡 (已結業)

今年冇一早預訂聖誕大餐興祝平安夜，衹有在平安夜早上在open rice揀咗Quaver House訂咗個2人A4和牛大餐，有8折優惠，折實埋單$709。準時7點半去到，人客不多，唔使等位。滿懷希望點咗個2人A5和牛聖誕大餐同老婆興祝平安夜。但結果食物質素令人十分失望！頭盤豆腐胡麻沙律，味道一般，但有些菜仍結冰，明顯解凍不足。串燒選了虎蝦、雞軟骨、豬頸肉同茄子，味道同賣相不過不失，可以接受。但係個A4和牛肉眼扒實在太令人失望，塊牛扒又薄又多肥膏，而且又唔夠熱，不知是否解凍不足，味道衹是一般，實在物非所值！最後個明太子海鮮炒飯，賣相和味道不錯，但太醎。整體招待一般，食物令人失望，物非所值，應該不會再光顧！

經OpenRice 訂位方便快捷，九點後入座又有半價食物優惠，仲有Asia Miles里數賺取👍🏼👍🏼👍🏼九點到，店內無其他客人，有點擔心，不過食物一到、香味撲鼻就放心曬。落單後燒物約10分鐘上到枱、等待時間尚可，因新鮮燒製。雞亦同雞交餃子都有一般水準，同其他有名既串燒店相比，差不多。但茄子，翠内瓜，秋葵就係我食過其他十多間嚟講，最好食。夠熱、夠香、夠Juicy。⭐️⭐️⭐️⭐️⭐️滿分。店内有手工啤，日本酒等選擇。還有汽水梳打。但飲品就欠一點特色。較普通。除串燒外，仲有其他炸物如炸雞、小食拼盤等。性價比高，誠意推薦。

係open rice book左呢間野同朋友慶生 去到門口個waitress已經唔係咁好表情坐低後叫野食 佢全程依然目無表情 唔多想serve人咁叫左個煮蜆 完全地無味 有幾粒仲有沙🤦🏻‍♀️成碗野都唔夠熱 街邊小食更高質燒物拼盤 普普通通 一樣存在唔夠熱既問題 唔係要你出哂煙咁 但都應該有適當既溫度令人覺得係可以入口 仲要價錢唔平仲另外叫左個海膽炒飯 果時先7點幾 海膽已經賣哂 晚市先開始左無耐😑 轉左魚子炒飯 上碟都係溫溫地😶成餐飯令人覺得好唔自在 上埋個甜品拿拿聲食完走 全場最正常係個甜品😳 食物同服務咁既質素 真係需要改善下😔

前幾日同朋友行完街走左入棉登徑 好耐冇去過依條街 原來依家條街多咗好多餐廳 見到呢間餐廳個名幾得意 葵花堡 重點係有波睇有酒飲 環境唔錯 好啱同朋友摸酒杯底吹吓水 依家仲要做緊199$任飲個半鐘 其實幾抵 紅白酒啤酒都有 仲有隻咩日本highball 但我覺得酒味太淡 都係飲返啤酒算 但係任飲冇得揀手工啤 下次再試佢啲手工啤先 因為食咗飯先去飲嘢 所以唔係叫咗好多嘢食 啲嘢食都唔錯 燒得幾夠火喉 不過衰在menu選擇比較少 但串燒送酒真係一流 原本飲完諗住走 見到隔離枱叫左甜品但睇返menu又搵唔到 一問之下原來個甜品通常係俾訂枱有生日嘅朋友叫 不過店員話當然正常人都可以叫 只不過冇印落menu 成餐我最鐘意個甜品 因為本人嗜甜 店員話個餡係芝士但我覺得似吉士多啲 不過燒到外脆內軟好食

服務態度奇差，女侍應全程黑口黑面，我地好似得罪左佢咁。全晚最好食係果串好難整得難食嘅芝士煙肉番茄串。個沙律中規中矩，唔算難食。叫左雜錦串燒，雞翼餃子唔好食，個涵林啤啤咁。燒墨魚勒到咬唔到，叫左個蟹蓋先得人驚，好難食，水nel nel，腥夾臭，我食左半啖已經冇食。另外亦叫左個熱喬麥麵，係唔熱嘅，D麵質亦好硬，又係好難食。食左近600蚊都唔知食左D 咩，成條棉登徑咁多餐廳我真係勁後悔入左呢間嘢！真係完全唔會有下次！

今天即興隨意在OP找了一家居酒屋，見網上預約有折便即本試試，反正同行友人是無酒不歡，串燒也是酒餚合適的考慮首先當然先吃頭盤，蔴醬豆腐沙律和枝豆其實沒有很特別之處，都是一些現成食物味噌蟹蓋，味甘甘香香，如果好濃口味，一試無防串燒併中以豬頸肉和雞軟骨燒得比較出色，雞皮就不夠脆口，翠玉瓜燒多一些時間會比較甜牛舌屬於厚燒，兩串共六件，基本上都不韌，只是串在頭的一件燒得比較乾水，偏硬和牛串雖然是貴但質素上等，入口充滿和牛油香但又未至於油膩感太重，要快吃因爲熟度只有medium rare，放涼就不好吃金菇牛柳卷 炸物拼盤，紫薯餅很特別，入口鬆脆內裡甜口軟滑鰹魚絲雜菜，吃了那麼多肉，又怎可少了菜呢明太子茶漬飯普遍不是香港人杯茶但夾明太子已經算不錯了飲Highball

空間感不錯。唯可光線能弄光一點比較好。看到大電視卻播放不一樣的音樂，有點新奇。食物種類不是很多，感覺也很足夠了。唯燒物我覺得有點不知道怎形容，因為光原對我來說不太夠，一口吃下了燒焦的部份，有點不開心。食物份量也不錯，貼近日本原裝味道。這個要讚讚。飲料都不錯。對，還有那個燒河豚乾燒物我很讚。第一次吃這種魚，感覺很棒！

人地18:00開門，訂位就訂了18:00，真是傻更更‼️‼️‼️ 被吸引的是果味啤酒，又想甜又想要酒精，女人‼️‼️結果點了peach beer and apple cider，不甜易入口其實我們是要吃晚餐，不是happy hour，所以也點了不少食物，都是串燒、燒烤為主‼️燒菠蘿一看見就要點，太多烤肉，來個清新感覺烤魚乾不會太鹹芝士烟肉包蕃茄，蕃茄汁爆滿口腔烤魷魚也是必食的，樣子夠吸引，味道也不錯牛肋條相比下變得沒有特別～～坐了個半小時才開始有其他客人，開始嘈雜起來，畢竟是酒吧‼️又是年輕人，我們都老了

環境一般，背景音樂過大, 同朋友傾計要好大聲先聽到對方講乜。另外落單後等食物要等超耐, 等左成個鐘先黎得兩樣食物, 我亦聽到其他枱既人吹單, 最後我地要 cancel 張單去第二間食。

好耐冇去呢間嘢食 一睇下原來又轉左menu 變左日式串燒 同男朋友又唔知食咩好 姑且試下你串燒款式唔算太多 但都有足夠選擇 仲有其他小食同飯麵 book 左7點半 原來佢地連裝修都轉埋 不過人就好似冇乜變 呢條街以前好多人架 依家好似越來越冷清 間鋪食飯時間都冇乜人 都好既 唔洗好似其他餐廳咁食餐飯都趕頭趕命同時間競賽咁 食完飯連傾陣計既時間都冇 以為佢冇乜人點知食食下8點幾就坐滿哂人 好彩有訂枱啫我地得2個人 所以唔係叫左好多嘢食 另外叫左支sake 平時都唔太好飲清酒 但男朋友想飲 佢menu又有詳盡介紹 咁有誠意 就叫左支試下 呢支又幾好喎 唔會乸候 又甜甜地 枝豆 正路嘢囉 不過最啱就係邊食邊飲酒等其他嘢食到清酒煮蜆 份量有點少2個人食啱啱好但啲蜆勝在夠鮮甜 巨型魷魚筒 超大隻呀 燒到好香口又彈牙 必叫之選 仲要做緊promotion 只係38蚊 抵燒海老 哈 男朋友唔食得蝦 我自私食 和牛串 有少少貴 但都值得食既 油脂分佈均勻入口即溶 燒到半熟 但其實2個人叫一串都夠 因為我唔太好油膩嘢食完好滯食唔到其他嘢原條燒粟米 仲幫我地切埋 有牛油香正 最後叫多個梅子茶漬飯消下滯 唔

是晚成間餐廳得我地一枱 感覺包場咁 不過店員都冇催我地走👍🏼燒汁原條燒魷魚筒 🦑成隻手掌咁長😍 頭個幾件同d鬚好爽 中間部份切得幾厚身而且好焾好飽滿 送酒一流海膽炒飯💁🏻海膽份量係圖既1/3 撈落落飯之後都唔見晒🙄 勝在其他海鮮都多 五六飯🦐蝦同好多魷魚鬚🦑 炒得乾身香口 encore左一碟

葵花堡原來個新menu轉左做日式串燒，香口野最岩就係配飲酒，幾個人飲下酒，傾下計，叫左好多款串燒。整體黎講都唔錯，而當中有幾樣就好值得推介首選推介大大隻魷魚筒見佢d so伸到碟外，目測Size絕對足秤。除左抵食夾大件感十足外，味道都屬上乘之選，唔止燒得夠香口，加埋個醬汁，真係令人垂涎欲滴。有朋友就鐘意沾上旁邊既薑蓉，但我就怕薑味會搶左魷魚香，所以就咁加醬汁經已ok第二推介又係燒粟米咁橋，一早知你係粟一燒好貼心切開曬，方便開心share調味方面都做得足加少少鹽，鹹鹹地，一流等待時間係合理的，畢竟即叫即燒，又要燒足咁多面確保熟透。耐心等待，先品嚐到好野

印象中呢間野一年轉過幾次手，上年黎食burger，而家就轉左做日式串燒。我就覺得好好多，起碼我會愈食愈多，好開心。食物種類唔算多，但有既都係d受歡迎野，基本上應該有既都有，和牛串、牛舌、豬頸肉、雞翼等等。有幾款我特別要推介一下。燒菠藺，初頭我以為一客兩三件，點知原來係整個黎，好香甜，又有少少酸酸地，食完會好開胃，我諗店主係特登推介俾我地，等我地食完會想再叫多d野呢個魷魚不得了，加埋少少薑好好食，而且咁大份好抵食。秋葵呢家野唔係人人鐘意，而我偏偏就係鐘意食，佢燒到係好香，入面果d滑滑地既野反應更易入口，平時唔食秋葵既都可以試試。

今日though 一個apps 去book 呢間餐廳(bix dxxh)有折扣優惠 (high discount)本身係openrice見到佢menu 有pizza, pasta等等主食滿心期待打算食呢d我地仲心諗好食架啦當我地坐底左 侍應拎左本"special" menu 當中得串燒 沙律主食只係得 海膽炒飯，冷熱蕎麥麵，茶漬飯 冇啦😑😑😑😑😑超級o咀我地問有冇pasta pizza menu侍應話轉左餐牌已經好耐但根據OpenRice 食評 上一篇仲食緊pizza只係6月份會唔會係"好耐"唉 希望其他人去之前問清楚有咩野食先食物方面 慢到痴線完

去到才知道菜單已經換了全新的，大部分食物只有串燒及少量主食，真的有點失望，openrice上的pizza等等都沒有了，另外服務員的服務水準也略差，記單唔得又漏單。地方冷氣很大，服務員調極都調唔到，好難再去光顧了。