阿叔泰麵 (積信街) (已結業)

上個月去完清邁，就愛上左泰北麵和咖喱麵，知道大圍附近有間阿叔泰麵，襯放假去回味泰國的味道。揀左牛肉船麵配金邊粉，配料會有新鮮牛骨湯配牛腩、牛丸、芽菜，通菜，花生碎及炸豬皮，牛腩肉質都幾細嫰，如果想濃味d，就記住加枱上魚露、糖、白醋、辣椒粉，加埋真係錦上添花，惹味程度提升不少另外點左泰北金麵 用上椰汁咖哩湯，湯的份量唔會太多，而且只跟粗蛋麵，做出撈麵的口感，勁惹味。大大隻雞肶配惹味咖喱湯，點會有得輸。佢地啤酒都幾抵飲，都係20幾蚊，但食午餐唔想飲酒，所以揀左泰式咖啡和香茅菠蘿特飲，兩杯飲品都幾夾泰北金麵，泰式咖啡帶一點朱古力味，更易入口。