喜鍋 海鮮‧火鍋‧小廚 (已結業)

打邊爐條癮成日都發作... 一個星期可以起一次... 呢晚又番發，所以黎到喜鍋打番個靚邊爐呢張餐牌有d特別推介！ 我地都叫左個蟹籽墨魚油炸鬼！估佢唔到兩者又幾鬼夾～餐牌上面既選擇都好多～叫完個湯底店員就叫我地混醬呢個油炸鬼包住d墨魚真係好正！ 墨魚膠夠哂彈牙！ 湯底方面叫左藥膳醉雞，半隻雞係會另上避免整得過熟！呢方面抵讚！平時d餐廳都會放哂入去！個湯好有藥材味，食得出好足料！ 都撈到好多藥材出黎！叫左成份響鈴！夠哂大舊～浸一秒即刻拎上黎夠哂脆卜卜！正！仲有薯粉，牛柳粒同埋炸魚皮 見到都覺得正！牛柳粒好有牛味！魚皮都夠哂酥脆！仲有叫左丸同埋芝士獅子狗！但要小心d食！因為好足料d芝士爆哂漿！牛丸好有黑椒味！正！ 成餐飯都好滿足！