伊賀日本燒肉料理 (已結業)

伊賀的環境舒適，座位寬落，坐到舒服，好適合傾計。放題第一樣一定係食刺身，先來個刺身拼盤，款式包括有三文魚、甜蝦、帶子、榮螺、北寄貝、八爪魚, 三文魚脂肪豐富鮮美，好新鮮; 甜蝦連蝦頭奉上, 肉厚鮮甜;帶子我一向都麻麻，試左都覺得唔錯有鮮味; 北寄貝煙煙韌韌, 有嚼勁; 榮螺好新鮮；整個刺身併盤都有水準，而且夠新鮮。跟著食沙律，蔬菜好新鮮，我最鍾意食的番茄好新鮮又甜，個沙律好開胃。跟著到燒野食，燒肉 海鮮任燒，正！牛小排、一口牛都幾好味，燒耐左都唔會好韌，牛舌好薄好鮮嫩。至於海鮮，全部都好新鮮。燒🍍又甜又多汁。小食累，芝士年糕，炸到金黃色，外脆內軟，好香芝士味，仲係流心，正。一口薯都幾甜。lunch來講，伊賀的放題唔錯，$198一位，地點係赫德道，價錢算唔貴，而且食物質素唔錯！一次很愉快的lunch！