影片
更多
2018-02-02
103 浏览
朋友帶隊去打冷，第一次食呢間，留下了好印象。餐廳位置便利，更有好大個廣告牌，好當眼。上樓後才發現地方超大，佔左全層，食客很多，幾乎座無虛席。店內裝潢設計得像大牌檔，但就十分整潔企理，有不少卡位，座位好闊落，坐得舒適。外圍有好多養著不同海鮮的大魚缸，又有好多大電視，全場非常熱鬧，很有氣氛。食物款式極多，打冷、滷水、海鮮、小菜等各式各樣好齊全，價錢亦合理。值得一讚是每碟食物超快送上枱，而且還是熱騰騰冒著煙的。潮式秘製凍螄蚶我第一次食，食完返唔到轉頭，原來係咁好味，食到停唔到。肉質好鮮甜爽滑，好似食緊蚌類咁，佢個秘製汁都應記一功，十分惹味。煎蠔烙好大份，賣相好看，仲好香噴噴，外層鬆脆，內裡蠔仔又多又大粒，趁熱食最正。滷水雜拼係送既，好扺呀，都幾大碟，有好多款滷味，包括紅腸、大腸、墨魚、鵝腸、豬耳、鵝腎、五花腩、豬頭肉，樣樣都好食，滷水汁入味，又不會太咸。個人最鍾意鵝腸，好爽口彈牙，口感一流。砵酒焗桶蠔好出色，每隻蠔都大大隻，啖啖肉又鮮味，外皮脆脆地，醬汁好入味，甜甜地好有層次超正，因為個醬汁好味連帶啲洋蔥都變得好食。除左啤酒汽水外，估唔到連apple cider 都有，打冷飲又幾夾喎！
餐廳位置便利，更有好大個廣告牌，好當眼。上樓後才發現地方超大，佔左全層，食客很多，幾乎座無虛席。店內裝潢設計得像大牌檔，但就十分整潔企理，有不少卡位，座位好闊落，坐得舒適。外圍有好多養著不同海鮮的大魚缸，又有好多大電視，全場非常熱鬧，很有氣氛。
食物款式極多，打冷、滷水、海鮮、小菜等各式各樣好齊全，價錢亦合理。值得一讚是每碟食物超快送上枱，而且還是熱騰騰冒著煙的。
潮式秘製凍螄蚶我第一次食，食完返唔到轉頭，原來係咁好味，食到停唔到。肉質好鮮甜爽滑，好似食緊蚌類咁，佢個秘製汁都應記一功，十分惹味。
煎蠔烙好大份，賣相好看，仲好香噴噴，外層鬆脆，內裡蠔仔又多又大粒，趁熱食最正。
滷水雜拼係送既，好扺呀，都幾大碟，有好多款滷味，包括紅腸、大腸、墨魚、鵝腸、豬耳、鵝腎、五花腩、豬頭肉，樣樣都好食，滷水汁入味，又不會太咸。個人最鍾意鵝腸，好爽口彈牙，口感一流。
砵酒焗桶蠔好出色，每隻蠔都大大隻，啖啖肉又鮮味，外皮脆脆地，醬汁好入味，甜甜地好有層次超正，因為個醬汁好味連帶啲洋蔥都變得好食。
除左啤酒汽水外，估唔到連apple cider 都有，打冷飲又幾夾喎！张贴
