影片
更多
2017-11-11
517 浏览
香港人一向愛吃日本菜，尤其是對日式燒肉，更是百吃不厭，筆者當然也不例外。早前和朋友去尖沙咀 The Hart 吃韓式炸雞，留意到原來這幢食廈入面，有間叫「伊賀」嘅燒肉放題店，瀏覽過網頁，見風評不俗，所以這晚就拉了友人來做陪客。餐廳位於赫德道 The Hart 3 樓，地方頗闊落，進門右手邊有張超巨型嘅圓形吧檯，而左手邊就以卡位為主，檯同檯之間用小屏風作間隔，分開每檯客人，用以保持私隱度，所以坐低後，感覺都幾舒服。先介紹一下這個晚市放題嘅收費，星期一至四，每位 $258，而星期五六日及公眾假期就每位 $298，5:30pm - 11:00pm，入坐起計，每人可以食 120 分鐘，另收加一服務費。另外 6pm 後入座，2-3 位會送豪華刺身船，4 位送鮮活魚刺身或海膽船，而 8 位就會送鮮活龍蝦刺身船＋龍蝦粥。事不宜遲，立即落單，咦？原來這裡是用平板電腦落單，而唔係劃紙仔，非常先進。逐一細看，項目包括有刺身、小食、野菜類、燒物類、海鮮類、炸物及壽司，但飲品同酒類就唔包括喺放題入面，要逐罐計錢，不過如果 +$30 升級嘅話，就可以任飲罐裝汽水。另外客人亦可以任點店裡嘅醬油，而且花款都唔少，有
香港人一向愛吃日本菜，尤其是對日式燒肉，更是百吃不厭，筆者當然也不例外。早前和朋友去尖沙咀 The Hart 吃韓式炸雞，留意到原來這幢食廈入面，有間叫「伊賀」嘅燒肉放題店，瀏覽過網頁，見風評不俗，所以這晚就拉了友人來做陪客。
餐廳位於赫德道 The Hart 3 樓，地方頗闊落，進門右手邊有張超巨型嘅圓形吧檯，而左手邊就以卡位為主，檯同檯之間用小屏風作間隔，分開每檯客人，用以保持私隱度，所以坐低後，感覺都幾舒服。
先介紹一下這個晚市放題嘅收費，星期一至四，每位 $258，而星期五六日及公眾假期就每位 $298，5:30pm - 11:00pm，入坐起計，每人可以食 120 分鐘，另收加一服務費。另外 6pm 後入座，2-3 位會送豪華刺身船，4 位送鮮活魚刺身或海膽船，而 8 位就會送鮮活龍蝦刺身船＋龍蝦粥。
事不宜遲，立即落單，咦？原來這裡是用平板電腦落單，而唔係劃紙仔，非常先進。逐一細看，項目包括有刺身、小食、野菜類、燒物類、海鮮類、炸物及壽司，但飲品同酒類就唔包括喺放題入面，要逐罐計錢，不過如果 +$30 升級嘅話，就可以任飲罐裝汽水。另外客人亦可以任點店裡嘅醬油，而且花款都唔少，有海鮮醬、天婦羅汁、酸辣汁、燒烤酸汁等。
先由刺身開始，隻刺身船係餐廳送嘅，上面有櫻花魷魚、玉子、三文魚、榮螺、八爪魚同松葉蟹棒。三文魚係筆者嘅至愛，當然要加碼，而這裡嘅三文魚刺身，水準亦不俗，不但色澤鮮明，而且油潤肥美，口感一流。
因為要留肚食燒肉，所以壽司方面，就趣趣地，只揀了四款試下，有黃金龍蝦卷、三文魚壽司、火炙三文魚壽司同火炙牛拖羅壽司，幾款壽司，賣相雖然唔算好突出，不過味道都唔錯，而且 Size 偏細，就算食多幾件都唔會好飽。
點咗碗味噌湯暖下胃，呷一口，雖然只是微溫，唔算熱辣，但入口不覺死鹹，而且帶陣陣麵豉香，味道不俗。
試埋炸物先食燒肉，原來店裡的炸物，款式都幾多，共有 15 款，揀咗香芋丸、娘惹山葯、黃金炸蠔、唐揚炸雞、吉列炸蝦。香芋丸向來都是筆者嘅心水之選，而這裡的出品亦沒令人失望，咬下外層香脆，而內裡紫心餡亦軟綿細滑，加上甜度剛好，食兩粒當然唔夠喉，絕對值得 Encore 完再 Encore。娘惹山葯第一次試，口感好特別，融合了紫薯的清香和山藥的甘甜。
燒肉方面，餐廳會先送來一碟作為頭盤，當然客人亦可以喺平板度落單再加碼。既然餐廳打正旗號做燒肉放題，燒物嘅款式一定唔少。筆者雖然無將 Menu上嘅肉食全部掃勻，不過都試咗唔少。咁多款當中，最好食嘅係安格斯牛小排同伊賀一口牛，入口有好香牛肉味，好 Juicy。帶骨牛肋肉和比利時五花肉就比較肥，雞翼有芝麻同地獄兩款；香腸選擇豐富，有黑椒、芝士、蒜香同黑豚等。
海鮮類方面，想試嘅 QQ 蟶子已經沽清，幸好還有我心儀嘅活蜆、帆立貝和虎蝦。虎蝦約五六吋長，不太大隻，反而肉質更嫩，爽口，燒香後基本上不用放調味已經好好食。帆立貝雖然唔算好大隻，不過面頭加咗牛油，味道甘香濃郁。
食完咁多肉，緊係要點返啲野菜嚟平衡一下喇。揀咗牛油金菇、牛油粟米、冬菇、翠玉瓜、糖心菠蘿同秋葵，整體質素都唔錯，燒過的秋葵，表層呈微焦，吃起來外爽脆、內黏滑；冬菇厚肉大隻，而菠蘿經輕燒後，入口亦香甜多汁，用作飯後甜品一流。
記得食埋雪糕先至走，餐廳會每人送贈一盒 Mövenpick，有雲呢拿、朱古力、士多啤梨三款口味。點菜後，食物非常快就送上，而且無試過漏單，吃得很滿意，聽講嚟食午市放題更抵，有 75 折，可以番兜。
张贴
