瀛豐放題料理專門店 (已搬遷) 新店位置

最鐘意食放題嘅我倆，放工後黎到哩間日式放題，真係好唔錯。日式放題一定要有嘅刺身，真係好新鮮，份量亦好夠！帶子大大舊，仲夾埋海膽，真係好有口感，好豐富，好滿足。蝦刺身大大隻，淨係睇相都見到佢係幾咁厚肉！三文魚刺身同三文魚腩都係厚切，一開頭已經好滿足仲有生蠔，全部都手板咁大隻，好鮮味，淨係食哩啲都值回票價哩度嘅燒物都好唔錯，扇貝大大粒，加左蒜蓉喺上面燒到好香，好惹味日式炸物都炸得好脆，亦唔會太油膩，天婦羅炸蝦，炸蕃薯，炸流心芝士年糕全部都好香口壽司嘅份量亦同一般餐廳食嗰啲一樣大細，唔會話係放題就細舊左，而且全部都用心製作賣相得，食落去都好得