影片
更多
2017-02-05
368 浏览
法式香草燴梨 $52放假去得邊？油尖旺港島？咪玩啦⋯⋯人山人海。所以決定一程巴士入青衣；今次係第二次入青衣，其實我都唔知有咩行，不過行下hea下咪幾好。經過商場，係一個唔起眼嘅角落，有一間甜品店，位置唔算多，但菜單選擇多，決定試下，無妨。菜單寫住鎮店之選：法式香草燴梨，雖然我對梨用於甜品麻麻，雖然我對依個無咩興趣，但鎮店之選哦～唔係唔試嘛！？製作需時請大家耐心等等，仲有因為真係即叫即整，所以個碟真係好熱，大家要小心啲。法式香草燴梨一上時，講真，同我相像中有啲出入；我以為係一個梨咁嘅款，但望黎望去就淨係見到一碟野，上面有粒雪糕，呀，仲見到梨個條「梗」嘅🍐。雖然同我諗嘅唔太一樣，我都鼓起勇氣試一試。正，真係好味，啤梨一條條非常入味，腍但又唔會話好軟身，又香又甜，仲好juicy，香草味好濃；而醬汁又帶啲奶味同蛋味，配上雪糕一齊食仲多種口感；一啖梨配醬汁，食落暖暖，一啖梨配雪糕，食落凍嘅；一啖暖一啖凍，既過癮之餘成個甜品整體都好溫和👍🏻原來師傅好追求款式，味道，為咗呈獻好野食，食材絕對唔差，過程需時並落足功夫；以法式香草燴梨為例，採用嘅係比利時啤梨，不當做季節時便採用澳洲入口；而點解啤梨比平時
放假去得邊？油尖旺港島？咪玩啦⋯⋯人山人海。所以決定一程巴士入青衣；今次係第二次入青衣，其實我都唔知有咩行，不過行下hea下咪幾好。
經過商場，係一個唔起眼嘅角落，有一間甜品店，位置唔算多，但菜單選擇多，決定試下，無妨。
菜單寫住鎮店之選：法式香草燴梨，雖然我對梨用於甜品麻麻，雖然我對依個無咩興趣，但鎮店之選哦～唔係唔試嘛！？
製作需時請大家耐心等等，仲有因為真係即叫即整，所以個碟真係好熱，大家要小心啲。
法式香草燴梨一上時，講真，同我相像中有啲出入；我以為係一個梨咁嘅款，但望黎望去就淨係見到一碟野，上面有粒雪糕，呀，仲見到梨個條「梗」嘅🍐。
雖然同我諗嘅唔太一樣，我都鼓起勇氣試一試。正，真係好味，啤梨一條條非常入味，腍但又唔會話好軟身，又香又甜，仲好juicy，香草味好濃；而醬汁又帶啲奶味同蛋味，配上雪糕一齊食仲多種口感；一啖梨配醬汁，食落暖暖，一啖梨配雪糕，食落凍嘅；一啖暖一啖凍，既過癮之餘成個甜品整體都好溫和👍🏻
原來師傅好追求款式，味道，為咗呈獻好野食，食材絕對唔差，過程需時並落足功夫；以法式香草燴梨為例，採用嘅係比利時啤梨，不當做季節時便採用澳洲入口；而點解啤梨比平時嘅都要香（我覺得，所以口多多問咗師傅）原來店鋪用雲呢拿籽燴梨幾個鐘，所以咁鬼入味（唔怪得啦）而個醬汁點解可以咁滑而表面無加糖但又焗出Crème brûlée嘅表面？原來醬汁加咗忌廉同雞蛋配製，難怪可以咁滑咁香。
一問之下，看似平凡嘅甜品原來一啲都唔平凡，無論係做工或details 上，都可睇出店鋪嘅細心，不枉我坐咁耐車入黎。
火焰雪山 $42難得山長水遠入青衣，唔係食一個甜品就夠呀？師傅推薦火焰雪山，話好多人點嫁～拿，我堅唔鍾意不過推薦得，應該堅好味嘅⋯⋯試下囉～好味就當賺到，如果touch wood唔好食咪，咪，咪唔食囉😂
首先，真係唔好意思，係我攝影技術問題，個火焰雪山唔係咁唔靚仔嫁。。
每位點咗火焰雪山嘅客人，店裡會熄燈，用冧酒淋上個雪山再點火，比你睇到個效果，你真係睇到啲火係到燒🔥，味都有埋，視覺效果比埋你，算唔算色香味俱全？😂
點解我唔鍾意食雪山？因為我第一次食依啲蛋白構造嘅甜品時係澳洲留學時，原諒我唔識欣賞，真係好甜又好硬。自此，我對依款甜品更是抗拒！
但～～～當我戰戰兢兢一匙「畢」落去時，咦！？軟身嘅？個表面（蛋白）係軟身嫁，因為用冧酒淋落去，你會食到甜甜嘅但又有酒味，我就唔覺似棉花糖，棉花糖腍之餘仲軟但又好一舊一舊好痴纏，但個蛋白係較輕身，一啖擺落口，好快就溶喧無咗；你慢慢食慢慢挖就會食到入面個雪糕，好驚奇，係出面燒過，雖然係有蛋白包裹著，但雪糕仲係好凍，無咩點溶到。如果覺得啲酒太強勁，係佢地火燒雪山時，佢地最後又要淋一層奶黃色嘅醬汁，係個果時候不妨可以叫佢地落多啲，中和下啲酒味。
依個火焰雪山無疑推翻咗我對「燒蛋白」甜品系列嘅抗拒，個蛋白點解可以咁軟但又唔會跌，被燒之餘仲咁堅硬？原來係蛋白同糖嘅比例要控制得宜，當然技巧都不能缺少：我只可以講，一間係青衣默默無店嘅甜品店原來一啲都唔簡單。我有問：其實啲野食咁好食，一定會好多人鍾意，點解唔考慮係旺區開店？佢地話：旺區自然租貴咩都貴，相對食物都要貴；佢地追求款式，食物，味道，甚至採用靚貨入口貨，與其比租金影響，寧願選擇默默耕耘，做出口碑。（支持小店，👍🏻👍🏻）
P.S 話口未完，又有人點火焰雪山，又再熄一次燈😂
（我自己覺得，個火焰雪山似唔似一種女仔，外表可能睇落好柔弱，但內心堅毅，種種困難（火燒）都摧毀唔到佢）
张贴
