Ikigai Concepts (已結業)

今日同男朋友去食呢間位於荃灣嘅日式餐廳 聽人講佢哋無論食物嘅質素、餐廳嘅整潔程度同埋員工嘅服務態度都唔錯 所以一於去試吓佢🤣我哋叫咗兩壺花茶同兩個甜品 對於抹茶控既我黎講 呢個甜品真係好吸引😍抹茶味甘香 味道好Flash 食得出一層層嘅感覺 質地都好軟滑 味道唔會苦仲有少少回甘 一啲都唔單調 蛋糕底好軟熟 濃郁嘅茶味口感妙絕😂再配埋雲呢拿味雪糕 好有水準嘅一個甜品！男朋友叫左個忌廉泡芙配士多啤梨開心果 泡芙香甜 外脆內軟 有啲開心果碎做點綴 成件事好夾好好味😋