段純貞牛肉麵XChatime (MOKO新世紀廣場)

营业中

休息中

今次去咗間主打台灣麵食嘅餐廳，食物水準相當唔錯，簡單得嚟夠地道。 必點嘅有招牌紅燒腱心牛肉手工麵🥩🍜，我揀咗粗闊麵，口感煙韌有咬口。牛肉腱心炆得軟淋入味，湯底濃郁得嚟唔會太鹹。朋友叫嘅燉濃湯雞麵🐔🍜揀咗幼麵。湯頭奶白濃郁，雞肉嫩滑，係雞髀肉。小食方面，鹽酥雞炸得外脆內嫩。三星蔥肉鍋餅皮薄餡多，蔥香好正！蒜醬青菜就清爽得嚟夠蒜香。 飲品有日出茶太品牌嘅茶飲。揀咗熱烤茶拿鐵加紅豆🧋🫘茶香濃郁，紅豆煮得綿密，甜度剛好；朋友嘅芒果紅茶加蘆薈就清新解膩，蘆薈粒粒爽口。 呢度嘅台灣菜做得夠地道，價錢合理，尤其係手工麵同湯底真係落足心機。如果想食啲簡單又夠水準嘅台灣菜，呢度係個唔錯嘅選擇。