浜燒太郎 (已結業)

繼上次知道將軍澳呢邊開咗好多新餐廳之後，今個星期二又同男朋友收咗工順路都過黎呢邊搵好野食！今次嘅目的地係一間隱世居酒屋，因為住附近嘅朋友去完之後都讚不絕口，話將軍澳終於有返間居酒屋，以後唔使次次都出尖沙咀銅鑼灣等地方食了。餐廳位於將軍澳南新入伙樓盤海翩匯屋苑嘅商場內，沿着海濱公園單車徑，基本上沿着海濱公園單車徑一路行就會見到，因為餐廳外嘅裝修同招牌等等都好有特色，行過就知道係一間居酒屋，一啲都唔難搵。咁入到餐廳裏邊，估唔到星期二都到坐滿大部份嘅位置，相信係住喺附近嘅居民都知道開咗一間居酒屋，相當受歡迎。入到去見到除咗開放式嘅位置之外，仲有幾間獨立包廂，適合一班朋友聚會或者家庭聚會，適合鍾意私隱度高既朋友。除咗餐廳嘅擺設之外，仲見到好有特色嘅遊戲，可以選擇俾一個價錢係限時內任夾海鮮，夾得多就食得多；另一個就係猜拳，猜贏咗就有得啤酒升級，有得食又有得玩。但我地兩個用筷子又唔叻，猜拳就更加唔好提了，有信心既朋友可以一試！我地直接係餐牌落單啦，見到餐牌都非常豐富，基本上應有盡有！首先我地叫左浜燒蟹味噌甲羅燒同赤海老蟹味噌甲羅燒有三文魚籽、蟹膏、蟹肉同鵪鶉蛋等等，跟埋醬汁撈埋一齊燒，食得出材料嘅